മഅദനി പ്രസിഡണ്ടായി പുതിയ സംഘടന നിലവില്‍ വന്നു

കൊച്ചി: ദുരിതങ്ങളും നീതിനിഷേധങ്ങളും അനുഭവിക്കുന്ന മുഴുവന്‍ കേരളീയരെയും സഹായിക്കുകയെന്ന ലക്ഷ്യത്തോടെയും മുസ്‌ലിം സമുദായത്തിന്റെ സര്‍വതോമുഖമായ പുരോഗതിക്കുതകുന്ന പ്രവര്‍ത്തനങ്ങള്‍ക്ക് ഊന്നല്‍ നല്‍കിക്കൊണ്ടും അല്‍ അന്‍വാര്‍ ജസ്റ്റിസ് ആന്‍ഡ് വെല്‍ഫെയര്‍ അസോസിയേഷന്‍ എന്ന സംഘടന രൂപീകരിച്ചു.

പ്രമുഖ പണ്ഡിതരും സാംസ്‌കാരിക പ്രവര്‍ത്തകരും ചേര്‍ന്നു രൂപംകൊടുത്ത സംഘടനയുടെ പ്രസിഡന്റായി അബ്ദുന്നാസിര്‍ മഅദനിയെ തിരഞ്ഞെടുത്തതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

സയ്യിദ് പി എം എസ് എ ആറ്റക്കോയ തങ്ങള്‍ (വര്‍ക്കിങ് പ്രസി.), വി എ സെയ്തു മുഹമ്മദ്, വി എച്ച് അലിയാര്‍ മൗലവി, അഡ്വ. എസ് എ ഷാജഹാന്‍, ടി എം നസീര്‍, അഹ്മദ് കബീര്‍ അമാനി (വൈസ് പ്രസി.), അഡ്വ. കെ നജീബ്, കുരീപ്പള്ളി ഷാജഹാന്‍ ഫൈസി, കെ അലവി, മുഹമ്മദ് ഷമീം അമാനി, എ അജിംഷാദ്, അബ്ദുല്‍ മജീദ് അമാനി, ജമാല്‍ മുഹമ്മദ് (ജനറല്‍ സെക്ര.), അബ്ദുല്‍ ഹമീദ് മൗലവി (സീനിയര്‍ ജന.സെക്ര.), മഅദനിയുടെ മകന്‍ ഉമര്‍ മുഖ്താര്‍ (അസി. സെക്രട്ടറി) എന്നിവരാണു മറ്റു ഭാരവാഹികള്‍.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News