ഹാര്‍മണി ഹംഗാമ ക്രിക്കറ്റ് ടൂര്‍ണ്ണമെന്റില്‍ പോലീസ് ടീം ജേതാക്കള്‍

കാസര്‍കോട് : സൗഹൃദത്തിന്റെ ആഘോഷമായി ഹാര്‍മണി ഹംഗാമ ക്രിക്കറ്റ് ടൂര്‍ണ്ണമെന്റില്‍ ജില്ലാ പോലീസ് മേധാവി എസ് സുരേന്ദ്രന്‍ നയിച്ച പോലീസ് ടീം ജേതാക്കള്‍. സിവില്‍ സര്‍വീസ് ടീമിനെ നാലു റണ്ണിനാണ് പോലീസ് ടീം പരാജയപ്പെടുത്തിയത്.

സമാപന സമ്മേളനത്തില്‍ എന്‍ എ നെല്ലിക്കുന്ന് എം എല്‍ എ വിജയികള്‍ക്കുള്ള സമ്മാന ദാനം നിര്‍വ്വഹിച്ചു. ജില്ലാ കളക്ടര്‍ പി എസ് മുഹമ്മദ് സഗീര്‍ അധ്യക്ഷത വഹിച്ചു. മുഹമ്മദ് ഇക്ബാല്‍, നാസര്‍, മുജീബ് അഹമ്മദ്, ഉസ്മാന്‍ കടവത്ത്, ടി എ ഷാഫി തുടങ്ങിയവര്‍ സംബന്ധിച്ചു. പ്രസ് ക്ലബ്ബ് സെക്രട്ടറി മുഹമ്മദ് ഹാഷിം സ്വാഗതവും ട്രഷറര്‍ ഉണ്ണികൃഷ്ണന്‍ പുഷ്പഗിരി നന്ദിയും പറഞ്ഞു.

ഇന്‍ഫര്‍മേഷന്‍ ആന്റ് പബ്ലിക്ക് റിലേഷന്‍സ് വകുപ്പും കാസര്‍കോട് പ്രസ്‌ക്ലബ്ബും ജില്ലാ ക്രിക്കറ്റ് അസോസിയേഷനുമായി സഹകരിച്ചാണ് ക്രിക്കറ്റ് ടൂര്‍ണമെന്റ് സംഘടിപ്പിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News