മലയാള സിനിമയില്‍ കാഞ്ഞങ്ങാട്ട് നിന്നൊരു താരോദയം

കാഞ്ഞങ്ങാട്: ന്യൂ ജനറേഷന്‍ സിനിമകളുടെ തള്ളിക്കയറ്റം തുടങ്ങിയ മലയാള സിനിമാ രംഗത്ത് കാഞ്ഞങ്ങാട്ട് നിന്ന് ഒരു താരം. 

നിരവധി പരസ്യ ചിത്രങ്ങളിലും ആല്‍ബങ്ങളിലും അഭിനയിച്ച അജാനൂര്‍ ഇട്ടമ്മലിലെ ഇര്‍ഫാന്‍ഖാനാണ് മലയാള സിനിമയ്ക്ക് കാഞ്ഞങ്ങാട്ടു നിന്ന് മുതല്‍ കൂട്ടാകുന്നത്. 

ഇര്‍ഫാന്‍ അഭിനയിച്ച മിസ്റ്റര്‍ ബീന്‍ എന്ന ചിത്ര വെള്ളിയാഴ്ച വെള്ളിത്തിരയിലെത്തും. റെജി പോളാണ് ഈ ചിത്രത്തിന്റെ സംവിധായകന്‍. ഇര്‍ഫാന്‍ഖാനിനു പുറമെ ദിവ്യദര്‍ശന്‍, ബിജുകുട്ടന്‍, മാനവ് തുടങ്ങിയവരും ഈ ചിത്രത്തില്‍ പ്രധാന വേഷമിടുന്നുണ്ട്. 

ഇര്‍ഫാന്‍ഖാന്‍ അഭിനയിച്ച മറ്റൊരു ചിത്രം അണിയറയില്‍ അവസാന ഒരുക്കത്തിലാണ്. അധികാരം എന്ന് പേരുള്ള ഈ ചിത്രം ഷാര്‍വിയാണ് സംവിധാനം ചെയ്യുന്നത്. സാബുഘോഷ് എറണാകുളമാണ് നിര്‍മ്മാതാവ്. 

പുതിയ നല്ല അവസരങ്ങള്‍ തന്നെ തേടിയെത്തുമെന്ന പ്രതീക്ഷയിലാണ് ഈ യുവ കലാകാരന്‍. അജാനൂര്‍ ഇഖ്ബാല്‍ ഹയര്‍സെക്കണ്ടറി സ്‌കൂളില്‍ പ്ലസ്ടു പഠനം പൂര്‍ത്തിയാക്കിയ ശേഷമാണ് ഇര്‍ഫാന്‍ഖാന്റെ മനസില്‍ സിനിമാ മോഹം ഉദിച്ചത്. ഇതിനിടയില്‍ ആല്‍ബങ്ങളിലും പരസ്യചിത്രങ്ങളിലും അഭിനയിക്കാന്‍ അവസരം കിട്ടിയത് സിനിമാ രംഗത്തേക്കുള്ള ചുവടുവെപ്പിന് ഇര്‍ഫാന്‍ഖാനെ സഹായിച്ചു. 

ദുബൈയില്‍ ബിസിനസുകാരനായ അബ്ദുള്‍ റഹ്മാന്റെയും ഹയറുന്നീസയുടെയും മകനാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News