ചെമ്മനാട് 19 ന് സൗജന്യ മെഡിക്കല്‍ ക്യാമ്പ്

കാസര്‍കോട് : ചെമ്മനാട് സി എച്ച് സെന്ററിന്റെയും, ഏനപോയ മെഡിക്കല്‍ കോളേജിന്റെയും സംയുക്താഭിമുഖ്യത്തില്‍ സൗജന്യ മെഡിക്കല്‍ ക്യാമ്പ് സംഘടിപ്പിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. മെയ് 19 ന് ചെമ്മനാട് ജമാഅത്ത് ഹയര്‍സെക്കണ്ടറി സ്‌കൂളില്‍ നടക്കുന്ന ക്യാമ്പ് പി എ ഇബ്രാഹിം ഹാജി ഉദ്ഘാടനം ചെയ്യും. രക്ത ഗ്രൂപ്പ് നിര്‍ണ്ണയ ക്യാമ്പ് മുസ്ലിംലീഗ് ജില്ലാ വൈസ് പ്രസിഡണ്ട് കല്ലട്ര മാഹിന്‍ ഹാജിയും, ആരോഗ്യ ബോധവത്ക്കരണ ചിത്രപ്രദര്‍ശനോദ്ഘാടനം ഡോ. മൂസബ്ബയും നിര്‍വ്വഹിക്കും. ചടങ്ങില്‍ സി ടി അഹമ്മദലി അധ്യക്ഷത വഹിക്കും.

രാവിലെ 9 മണി മുതല്‍ ഒരു മണി വരെ നടക്കുന്ന ക്യാമ്പില്‍ ശസ്ത്രക്രിയ, ജനറല്‍ മെഡിസിന്‍, കുട്ടികളുടെ വിഭാഗം, ത്വക്ക് രോഗം, കണ്ണ്, ഇ എന്‍ ടി, എല്ല്, പല്ല് എന്നീ വിഭാഗങ്ങളില്‍ വിദഗ്ധരായ ഡോക്ടര്‍മാര്‍ രോഗികളെ പരിശോധിക്കും.

വാര്‍ത്താസമ്മേളനത്തില്‍ സി എച്ച് സെന്റര്‍ പ്രസിഡണ്ട് സി ടി അഹമ്മദലി, ജനറല്‍ സെക്രട്ടറി കെ ടി നിയാസ്, കെ ടി എം ജമാല്‍, ടി എം അബ്ദുല്ല, സി എ അസീസ്, ഖാദര്‍ കുന്നില്‍, സി എം മുസ്തഫ, എ എ താജ്ജുദ്ദിന്‍, സി എ മനാഫ്, സി ടി അബ്ദുല്‍ഖാദര്‍ സംബന്ധിച്ചു.


Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,