സംഭവ സമയം ദല്ഹി സ്വദേശിയായ ഇവരുടെ ഭര്ത്താവ് സ്ഥലത്തില്ലായിരുന്നു. ജോലിക്ക് പോകുന്ന ഒന്നാം നിലയിലെ കൂട്ടുകാരിയുടെ കുഞ്ഞിനെ തന്െറ താമസ സ്ഥലത്തേക്ക് കൂട്ടാന് പോയതായിരുന്നു ഉഷ. പതിവായി ഉച്ചകഴിഞ്ഞ് മൂന്നുമണിക്കാണ് പോകാറുള്ളത്. സംഭവ ദിവസം 1. 30നാണ് പോയത്. തിരിച്ച് തന്െറ ഫ്ളാറ്റിനടുത്തെത്തിയ ഉഷക്ക് കാണാനായത് വാതിലിന്െറ പൂട്ട് ഇളക്കി മാറ്റിയതായിരുന്നു. വാതില് പിടിയില് ഒരു കവറും തൂങ്ങിക്കിടപ്പുണ്ടായിരുന്നു. അകത്തുനിന്ന് ശബ്ദവും കേട്ടു.
ഉടന് ഇവര് അടുത്ത് താമസിക്കുന്ന മലയാളിയെ വിളിച്ചു. പുറത്തുനിന്ന് ശബ്ദം കേട്ടതിനെത്തുടര്ന്ന് അകത്തുനിന്ന് മോഷ്ടാക്കളിലൊരാള് പുറത്തെത്തി. ഇയാളെ കണ്ടയുടന് ഉഷ കടന്നുപിടിച്ച് കീഴ്പ്പെടുത്താന് ശ്രമിച്ചു. ഇയാള് ഉഷയെ തള്ളാന് ശ്രമിച്ചെങ്കിലും കുപ്പായത്തിന്െറ കോളറില് പിടിച്ച് അത് വിഫലമാക്കി. ഇതിനിടയില് അകത്തുണ്ടായിരുന്ന മോഷ്ടാവ് പുറത്തെത്തുകയും ഉഷയെ ശക്തിയായി തള്ളുകയും ബാഗുകൊണ്ട് മര്ദിക്കുകയും ചെയ്തു. തെറിച്ചുവീണ ഉഷയുടെ കരച്ചില് കേട്ട് ആളുകള് ഓടിയെത്തുമ്പോഴേക്കും മോഷ്ടാക്കള് ഗോവണി വഴി രക്ഷപ്പെടുകയായിരുന്നുവെന്ന് തൊട്ടടുത്ത് കച്ചവടം നടത്തുന്ന വാണിമേല് സ്വദേശി കുണ്ടില് ലത്തീഫ് പറഞ്ഞു.
മോഷ്ടാക്കളെ കണ്ടാല് തിരിച്ചറിയാനാകുമെന്ന് ഉഷ പറഞ്ഞു. പട്ടാപ്പകല് നടന്ന മോഷണ വാര്ത്ത കേട്ട് പരിഭ്രാന്തരായിരിക്കുകയാണ് പ്രദേശത്ത് താമസിക്കുന്നവര്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment