കേരള പോലീസ് അസോസിയേഷന് കാസര്കോട് ജില്ലാ സമ്മേളനം പടന്നക്കാട് ബേക്കല് ക്ലബ്ബില് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി വേണു.
നക്സല് ഭീഷണിയടക്കമുള്ള വിധ്വംസക പ്രവര്ത്തകരുടെ പിടിയില് നിന്ന് കേരളത്തെ മോചിപ്പിക്കാന് കേരള പോലീസിന്റെ ധീരമായ നടപടികളും നിലപാടുകളുമാണ് കാരണമായത്. ഇഛാശക്തിയോടെയുള്ള പ്രവര്ത്തനം പോലീസ് നടത്തിയില്ലായിരുന്നുവെങ്കില് കേരളം തകര്ച്ചയിലേക്ക് നീങ്ങുമായിരുന്നു. കൊലപാതകമായാലും മോഷണങ്ങളായാലും പ്രതികള്ക്ക് ശിക്ഷ ഉറപ്പ് വരുത്തുന്ന കൃത്യതയുള്ള അന്വേഷണ റിപ്പോര്ട്ടുകളാണ് മിക്ക കേസുകളിലും പോലീസ് കോടതിക്ക് നല്കുന്നത്.
പക്ഷെ പ്രതികളെ അന്തിമമായി രക്ഷപ്പെടുത്താന് ഗൂഢനീക്കം നടത്തുന്ന ചില പുഴുക്കുത്തുകളും പോലീസ് സേനയിലുണ്ട്. ഇത്തരക്കാര്ക്ക് യാതൊരു പരിഗണനയും അസോസിയേഷനോ മേലുദേ്യാഗസ്ഥരോ നല്കരുതെന്നും മന്ത്രി പറഞ്ഞു. പോലീസുകാരുടെ സംതൃപ്തമായ സേവന ജീവിതം ഉറപ്പുവരുത്താന് കേന്ദ്ര സംസ്ഥാന സര്ക്കാറുകള് പ്രതജ്ഞാബദ്ധമാണെന്നും യുഡിഎഫ് സര്ക്കാര് പോലീസുകാരുടെ എല്ലാ ആവശ്യങ്ങളും അംഗീകരിച്ചു നല്കിവരുന്നുണ്ടെന്നും മന്ത്രി വ്യക്തമാക്കി.
പോലീസ് അസോസിയേഷന് ജില്ലാ പ്രസിഡണ്ട് കെ വാസുദേവന് ചടങ്ങില് അദ്ധ്യക്ഷനായി. എംഎല്എമാരായ ഇ ചന്ദ്രശേഖരന്, കെ കുഞ്ഞിരാമന്, ഡിസിസി പ്രസിഡണ്ട് അഡ്വ. സി കെ ശ്രീധരന്, പോലീസ് ഓഫീസേഴ്സ് അസോസിയേഷന് ജില്ലാ പ്രസിഡണ്ട് ടി പി രഞ്ജിത്ത്, കല്ലറ ബാലകൃഷ്ണന്, പി പ്രവീണ്കുമാര്, പി ഡി ഉണ്ണി, മധുസൂദനന് ഡിവൈഎസ്പി എന്നിവര് സംബന്ധിച്ചു. കെ വി രാജീവന് സ്വാഗതവും കെ വി കൃഷ്ണന് നന്ദിയും പറഞ്ഞു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment