കാണിയുടെ കാണാകാഴ്ച പ്രകാശനം 25 ന്

കാഞ്ഞങ്ങാട്: ദേശാഭിമാനി കാസര്‍കോട് ബ്യൂറോ ചീഫ് എം ഒ വര്‍ഗീസ് എഴുതിയ 'കാണിയുടെ കാണാകാഴ്ച' പുസ്തകം 25ന് ദേശാഭിമാനി ജനറല്‍ മാനേജര്‍ ഇ പി ജയരാജന്‍ എംഎല്‍എ ജില്ലാപഞ്ചായത്ത് പ്രസിഡന്റ് പി പി ശ്യാമളാദേവിക്ക് നല്‍കി പ്രകാശനം ചെയ്യും.

പകല്‍ മൂന്നിന് കാഞ്ഞങ്ങാട് കുന്നുമ്മലിലുള്ള ഐഎംഎ ഹാളില്‍ നടക്കുന്ന ചടങ്ങില്‍ സിപിഐ എം ജില്ലാസെക്രട്ടറി കെ പി സതീഷ്ചന്ദ്രന്‍ അധ്യക്ഷനാവും.

പുരോഗമന കലാസാഹിത്യ സംഘം ജില്ലാപ്രസിഡന്റ് ഇ പി രാജഗോപാലന്‍ പുസ്തകം പരിചയപ്പെടുത്തും. സിപിഐ എം സംസ്ഥാന കമ്മിറ്റിയംഗം എ കെ നാരായണന്‍, സിപിഐ ജില്ലാസെക്രട്ടറി ഗോവിന്ദന്‍ പള്ളിക്കാപ്പില്‍, ആര്‍എസ്പി ജില്ലാസെക്രട്ടറി ഹരീഷ് ബി നമ്പ്യാര്‍, കോണ്‍ഗ്രസ് എസ് സംസ്ഥാന ജനറല്‍ സെക്രട്ടറി എം അനന്തന്‍ നമ്പ്യാര്‍, അഡ്വ. കെ പുരുഷോത്തമന്‍, അഡ്വ. പി അപ്പുക്കുട്ടന്‍, എം പൊക്ലന്‍, വാസു ചോറോട്, പ്രൊഫ. കെ പി ജയരാജന്‍, പി വി കെ പനയാല്‍, എ വി അനില്‍കുമാര്‍, ഇ പത്മാവതി, കെ മണികണ്ഠന്‍ എന്നിവര്‍ സംസാരിക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News