കണ്ണൂരില്‍ ടാങ്കറില്‍ നിന്നു തെറിച്ചു വീണു ക്ലീനര്‍ മരിച്ചു

കൂത്തുപറമ്പ്: ഓടിക്കൊണ്ടിരിക്കുന്ന ടാങ്കര്‍ ലോറിയില്‍ നിന്നു തെറിച്ചു വീണു ക്ലീനര്‍ മരിച്ചു. കര്‍ണാടക ചിക്മാംഗളൂര്‍ സ്വദേശി ചാന്ദ്ബാഷ (45) ആണ് മരിച്ചത്. ബുധനാഴ്ച രാവിലെ 6.50 ഓടെ കൂത്തുപറമ്പ്-മട്ടന്നൂര്‍ റൂട്ടില്‍ നീര്‍വേലി മരമില്ലിന് സമീപത്തായിരുന്നു അപകടം. ലോറിയുടെ കാബിന്‍ ഡോറിലൂടെ തെറിച്ചുവീണ ചാന്ദ്ബാഷയുടെ ദേഹത്തുകൂടി ലോറിയുടെ പിന്‍ചക്രം കയറിയിറങ്ങി. തല വേര്‍പ്പെട്ടുപോയിരുന്നു. ഇയാള്‍ ഉറങ്ങിപ്പോയതാണ് അപകടത്തിന് കാരണമെന്നു കരുതുന്നു.

പാലക്കാട് ഗ്യാസ് എത്തിച്ച ശേഷം മംഗലാപുരത്തേക്ക് തിരിച്ച് പോകുകയായിരുന്നു ടാങ്കര്‍ ലോറി. ചാന്ദ്ബാഷയുടെ സഹോദരി ഭര്‍ത്താവ് റിസ്വാന്‍ ആയിരുന്നു ലോറി ഡ്രൈവര്‍. സംഭവത്തെ തുടര്‍ന്ന് ഇയാളെ കൂത്തുപറമ്പ് പോലീസ് കസ്റ്റഡിയിലെടുത്തു. മൃതദേഹം കൂത്തുപറമ്പ് താലൂക്ക് ആശുപത്രിയിലെ മോര്‍ച്ചറിയിലേക്ക് മാറ്റി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News