പ്രാദേശിക കൂട്ടായ്മകള്‍ നാടിന്റെ നോവകറ്റുന്നു : ഇല്യാസ് എ റഹ്മാന്‍

ദുബൈ : ഗള്‍ഫിലെ പ്രാദേശിക കൂട്ടായ്മകള്‍ നാടിന്റെ നോവകറ്റുന്നതില്‍ വലിയ പങ്കാണ് വഹിക്കുന്നതെന്ന് കെസെഫ് ട്രഷററും പ്രവാസി എഴുത്തുകാരനുമായ ഇല്യാസ് എ റഹിമാന്‍ അഭിപ്രായപ്പെട്ടു. മരുഭൂമിയിലെ വേദന മറന്ന് പ്രവാസികള്‍ ഒരു കുടക്കീഴില്‍ അണിനിരക്കുന്നതും പിറന്ന മണ്ണിന്റെ നന്മയ്ക്ക് വേണ്ടി പ്രവര്‍ത്തിക്കുന്നതും ആനന്ദകാഴ്ചയാണെന്നും അദ്ദേഹം പറഞ്ഞു.

തളങ്കര ജദീദ് റോഡ് മഹല്ല് കൂട്ടായ്മയുടെ പ്രഥമ കണ്‍വെന്‍ഷന്‍ ഹോട്ടല്‍ മലബാര്‍ ഓഡിറ്റോറിയത്തില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പി എ മുജീബ് റഹ്മാന്‍ അധ്യക്ഷത വഹിച്ചു. കാസര്‍കോട് പ്രസ്സ് ക്ലബ്ബ് മുന്‍ സെക്രട്ടറി ടി എ ഷാഫി മുഖ്യാതിഥിയായിരുന്നു. യോഗത്തില്‍ ഫൈസല്‍ പട്ടേല്‍ സ്വാഗതം പറഞ്ഞു. അന്തരിച്ച നുസ്രത്ത് നഗറിലെ ഷൗക്കത്തിന് വേണ്ടി പ്രാര്‍ത്ഥന നടത്തി. മുഹമ്മദ് ഇക്ബാല്‍ കൊട്ടയാടി വരവ് ചെലവ് റിപ്പോര്‍ട്ട് അവതരിപ്പിച്ചു. എം എ സലിം, മജീദ് കസബ്, ഇ എ ഷഫീഖ് ത്രീസ്റ്റാര്‍, സി എ സലിം ഖത്തര്‍, അസ്സം മൂസ, മുജീബ്, സാദിഖ് പീടികക്കാരന്‍, ഷാനവാസ് പട്ടേല്‍ റോഡ്, ആസാദ് ജദീദ് റോഡ്, ഹസൈനാര്‍ ബാങ്കോട്, ജമാല്‍ സംസാരിച്ചു. സമീര്‍ ചെങ്കള നന്ദി പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News