പരിസ്ഥിതിദിന പ്രവര്‍ത്തനങ്ങളുടെ വിജയത്തിനായി രംഗത്തിറങ്ങുക: ഹൈദരലി തങ്ങള്‍

കോഴിക്കോട്: ലോക പരിസ്ഥിതി ദിനമായ മുസ്‌ലിംലീഗിന്റെ ആഭിമുഖ്യത്തില്‍ സംസ്ഥാനത്ത് നടത്തുന്ന പരിസ്ഥിതി ദിന പ്രവര്‍ത്തനങ്ങളുടെ വിജയത്തിനായി മുഴുവന്‍ പാര്‍ട്ടി പ്രവര്‍ത്തകരും അനുഭാവികളും പോഷകസംഘടനകങ്ങളും സജീവമായി രംഗത്തിറങ്ങണമെന്ന് മുസ്‌ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ അഭ്യര്‍ത്ഥിച്ചു.

മരത്തൈകള്‍ നട്ട് പിടിപ്പിക്കല്‍ ഉള്‍പ്പെടെ പരിസ്ഥിതി ദിനത്തില്‍ വിവിധി പരിപാടികള്‍ നടത്താനാണ് പാര്‍ട്ടി ഉദ്ദേശിക്കുന്നത്. കാമ്പസുകളിലും പാതയോരങ്ങളിലും മറ്റു പൊതു സ്ഥലങ്ങളിലും വ്യാപകമായി വൃക്ഷത്തൈകള്‍ നട്ടും ഓരോ പ്രദേശങ്ങളിലും പരിസ്ഥിതി കൂട്ടായ്മകള്‍ സംഘടിപ്പിച്ചും ബോധവത്കരണ പ്രവര്‍ത്തനങ്ങള്‍ നടത്തിയും പാര്‍ട്ടി പ്രവര്‍ത്തകര്‍ പരിസ്ഥിതി സംരക്ഷണ പ്രവര്‍ത്തനങ്ങളില്‍ വ്യാപൃതരാവണം.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News