ഞാനും ചിമ്പുവും പ്രണയത്തിലാണ്: ഹാന്‍സിക തുറന്നു പറയുന്നു.

കോളിവുഡിലെ ഗോസിപ്പുകള്‍ ഇപ്പോള്‍ ചിമ്പുവിനും ഹന്‍സികയ്ക്കും പുറകെയാണ്. ഇരുവരും പ്രണയത്തിലാണെന്നാണ് കോളിവുഡില്‍ പരക്കുന്നത്. എന്നാല്‍ പരസ്പരം ഇഷ്ടത്തിലാണെന്ന് തുറന്ന് സമ്മതിക്കാന്‍ ഇരുവരും തയ്യാറായിട്ടില്ലായിരുന്നു.

എന്നാല്‍ ഇപ്പോള്‍ ഇരുവരും തങ്ങളുടെ പ്രണയം തുറന്നു പറഞ്ഞിരിക്കുകയാണ് അതും ട്വിറ്ററിലൂടെ.
എന്റെ ജീവിതത്തെക്കുറിച്ച് ഗോസിപ്പുകള്‍ പരക്കുന്നത് ഞാന്‍ അറിഞ്ഞു. ഇനി അത് ഗോസിപ്പല്ല, സത്യം തന്നെയാണെന്ന് പറയുകയാണെന്ന് ഹന്‍സിക ട്വീറ്റ് ചെയ്തു. ഞാനും ചിമ്പുവും തമ്മില്‍ ഇഷ്ടത്തിലാണ്.

ഹന്‍സികയുമായി പ്രണയത്തിലാണെന്ന് ചിമ്പുവും സമ്മതിച്ചു. തങ്ങളുടെ വിവാഹം വീട്ടുകാര്‍ ആലോചിച്ച് തീരുമാനിക്കുമെന്നും ചിമ്പു പറഞ്ഞു.

വാള്, വേട്ടയ് മന്നന്‍ എന്നീ ചിത്രങ്ങളുടെ സെറ്റുകളിലാണ് ഇരുവരും തമ്മിലുള്ള പ്രണയം മൊട്ടിട്ടതെന്നാണ് കെ ടൗണ്‍ വാര്‍ത്തകള്‍. വാള് എന്ന തമിഴ് ചിത്രത്തിന്റെ അവസാന മിനിക്കു പണികളിലാണ് ശിമ്പു. ഹന്‍സികയാകട്ടെ തമിഴ് കോമഡി ചിത്രമായ ബിരിയാണിയുടെ തിരക്കിലും.
കെ ടൗണില്‍ മറ്റൊരു താര ജോഡികളെയും കൂടി ഒന്നിപ്പിക്കുന്ന വിവാഹം എന്നാണെന്നത് സംബന്ധിച്ച് ഇരുവരും സൂചനകള്‍ ഒന്നും നല്‍കിയിട്ടില്ല.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,