കെ.എസ്.ആര്‍.ടി.സി. ബസ് തടാകത്തിലേക്ക് വീണ് 8 പേര്‍ മരിച്ചു

മംഗലാപുരം: ഹാസന്‍ ജില്ലയിലെ ബേലൂരില്‍ കെ.എസ്.ആര്‍.ടി.സി. ബസ് നിയന്ത്രണം വിട്ട് തടാകത്തിലേക്ക് മറിഞ്ഞ് എട്ട് യാത്രക്കാര്‍ മരിച്ചു. ചൊവ്വാഴ്ച രാവിലെ 10 മണിയോടെയാണ് അപകടമുണ്ടായത്. മരണസംഖ്യ ഇനിയും ഉയരുമെന്ന് ആശങ്കയുണ്ട്. പാലത്തിലൂടെ പോവുകയായിരുന്ന ബസ് നിയന്ത്രണം വിട്ട് വിഷ്ണു സമുദ്ര തടാകത്തിലേക്ക് മറിയുകയായിരുന്നുവെന്ന് കര്‍ണാടക ഐ.ജി.പി. രാമചന്ദ്ര റാവു വാര്‍ത്താ ഏജന്‍സികളോട് വെളിപ്പെടുത്തി.

വിദ്യാര്‍ത്ഥികളടക്കം അറുപതോളം യാത്രക്കാരാണ് അപകടസമയത്ത് ബസിലുണ്ടായിരുന്നത്. അപകടം ഒഴിവാക്കാന്‍ ഡ്രൈവര്‍ കിണഞ്ഞ് പരിശ്രമിച്ചെങ്കിലും പരാജയപ്പെടുകയായിരുന്നു. തടാകത്തില്‍ നിറയേ വെള്ളമുണ്ടായിരുന്നത് അപകടത്തിന് ആക്കം കൂട്ടി. പരിക്കേറ്റ അഞ്ചുപേരെ ഹാസന്‍ ജില്ലാ ആശുപത്രിയില്‍ പ്രവേശിപ്പിച്ചിട്ടുണ്ട്. നാട്ടുകാരും പോലീസും ചേര്‍ന്നാണ് രക്ഷാപ്രവര്‍ത്തനങ്ങള്‍ നടത്തിയത്.

Photo: Daijiworld

Keywords: Malappuram News, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,