മമ്മൂട്ടിയെയും മോഹന്‍‌ലാലിനെയും മറികടന്ന് മഞ്ജുവിന്റെ എഫ്ബി പേജ്

സ്വന്തമായി വെബ്സൈറ്റ് തുടങ്ങി ഓണ്‍ലൈനില്‍ സജീവമായ മഞ്ജുവാര്യര്‍ ഫെയ്സ്ബുക്കിലും ഹിറ്റാണ്. ഫെയ്സ്ബുക്ക് തുടങ്ങി കുറച്ചു ദിവസങ്ങള്‍ക്കുള്ളില്‍ തന്നെ മഞ്ജുവിന്റെ ഫെയ്സ്ബുക്ക് പേജ് ലൈക്ക് ചെയ്തവരുടെ എണ്ണം രണ്ടേമുക്കാല്‍ ലക്ഷം കടന്നു. ഒരു മലയാള നടിയുടെ, കുറഞ്ഞ ദിവസത്തിനകം ഇത്രയും ലൈക്ക്സ് നേടുന്ന ഔദ്യോഗിക ഫെയ്സ്ബുക്ക് പേജ് കൂടിയാണ് മഞ്ജുവിന്റെത്.

അതേസമയം, മുന്‍‌നിര താരങ്ങളായ മമ്മൂട്ടിയുടെയും മോഹന്‍‌ലാലിന്റെ ഫെയ്സ്ബുക്ക് പേജ് ലൈക്കുകള്‍ ലക്ഷങ്ങള്‍ കടന്നെങ്കിലും പേജില്‍ സജീവമായി നില്‍ക്കുന്നവര്‍ മഞ്ജുവിന്റെ പേജിനേക്കാളും കുറവാണ്. മഞ്ജുവിന്റെ പേജ് ലൈക്ക്സ് 276,225 ആണെങ്കില്‍ സജീവമായി നില്‍ക്കുന്നത് 164,312 (ടാല്‍കിങ് എബൌട്ട് ദിസ്) പേരാണ്. അതേസമയം, മമ്മൂട്ടിയുടെ പേജ് ലൈക്ക്സ് 697,890 ആണെങ്കില്‍ സജീവമായി നില്‍ക്കുന്നവര്‍ 110,958 മാത്രമാണ്. ഇത് മോഹന്‍ലാലിന്റെ ഔദ്യോഗിക പേജില്‍ ലൈക്ക്സ് 866,742 വും സജീവമായി നില്‍ക്കുന്നവര്‍ കേവലം 94,057 പേരും മാത്രമാണ്.

മഞ്ജു ഫെയ്സ്ബുക്കില്‍ അപ്‌ലോഡ് ചെയ്ത ആദ്യ വീഡിയോ 15,800 പേരാണ് ഷെയര്‍ ചെയ്തത്. ഇതേ പോസ്റ്റിന് 41,691 ലൈക്കും 724 കമന്റ്സും ലഭിച്ചു എന്നതും ശ്രദ്ധേയമാണ്. അടുത്തിടെ പരസ്യ ചിത്രീകരണത്തിനായി മഞ്ജു ക്യാമറക്ക് മുന്നിലെത്തിയിരുന്നു. അടുത്ത തന്നെ സിനിമയിലേക്കും മഞ്ജു തിരിച്ചുവരുമെന്നാണ് റിപ്പോര്‍ട്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News