കാഞ്ഞങ്ങാട്ടെ സെയില്‍ ടാക്‌സ് ഇന്റലിജന്‍സ് ഓഫീസര്‍ സാബു നിര്യാതനായി

കാഞ്ഞങ്ങാട്: സെയില്‍ ടാക്‌സ് ഇന്റലിജന്‍സ് ഓഫിസര്‍ ഡ്യൂട്ടിക്കിടയില്‍ രക്തം ഛര്‍ദ്ദിച്ച് മരണപ്പെട്ടു.
കാഞ്ഞങ്ങാട്ടെ സെയില്‍ ടാക്‌സ് ഇന്റലിജന്‍സ് ഓഫീസര്‍ ഹൊസ്ദുര്‍ഗ് വിനായക ടാക്കീസിന്
സമീപത്തെ സാബു നോബര്‍ട്ട് (49) കല്ലറക്കലാണ് മരണപ്പെട്ടത്. ചൊവ്വാഴ്ച സാബുവിന് നൈറ്റ് ഡ്യൂട്ടിയായിരുന്നു. ബുധനാഴ്ച പുലര്‍ച്ചെ ഡ്യൂട്ടി അവസാനിക്കുന്നതിന് മുമ്പ് സാബു രക്തം ഛര്‍ദ്ദിച്ചു. തുടര്‍ന്ന് പരിയാരം മെഡിക്കല്‍ കോളേജില്‍ പ്രവേശിപ്പിച്ചു. വ്യാഴാഴ്ച നില വഷളായി. വെളളിയാഴ്ച രാത്രി 9 മണിയോടെ മരണം സംഭവിച്ചു. മൃതദേഹം രാത്രി ഒന്നരയോടെ കാഞ്ഞങ്ങാട്ടെ സ്വകാര്യ
ആശുപത്രി മോര്‍ച്ചറിയിലെത്തിച്ചു.

ഞായറാഴ്ച ഉച്ചതിരിഞ്ഞ് മൂന്നിന് മൃതദേഹം വീട്ടിലേക്ക് മാറ്റും. തിങ്കളാഴ്ച രാവിലെ 9 ന് ചെമ്മട്ടംവയല്‍ സെമിത്തേരിയില്‍ സംസ്‌ക്കരിക്കും. 

കോട്ടയം ജില്ലയിലെ പാലാ സ്വദേശിയാണ്. 30 കൊല്ലത്തിലധികമായി കാഞ്ഞങ്ങാട്ടാണ് താമസം. ഭാര്യ: ജെസി (പൊതുമരാമത്ത് വകുപ്പ് കാസര്‍കോട്). മക്കള്‍: നോബി സാ ബു(ബി ബി എം വിദ്യാര്‍ത്ഥി മംഗലാപുരം),ലിയ സാബു (ബിഡിഎസ് വിദ്യാര്‍ത്ഥിനി മംഗലാപുരം). സഹോദരങ്ങള്‍:
ടോമി കല്ലറക്കല്‍ (ഫ്രാന്‍സ്),ജെസി രാജു(ഈരാറ്റുപേട്ട), ബെറ്റി ഷാജു(പാലാ), ജോളി
നാരായണന്‍(നീലേശ്വരം), മിനിമോള്‍ ബാബു(സൗദി)

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News