വീട്ടുമുറ്റത്ത് നിര്‍ത്തിയ കാറും ബൈക്കും കത്തിച്ചു

കാസര്‍കോട്: മധൂര്‍ പുളിക്കൂറില്‍ വീട്ടുമുറ്റത്ത് നിര്‍ത്തിയിട്ട ബൈക്ക് കത്തിച്ചു. പുളിക്കൂര്‍ പള്ളിക്കടുത്ത ബദ്‌രിയ മന്‍സിലിലെ മൊയ്തീന്റെ മകന്‍ ഉമറിന്റെ വീട്ടുമുറ്റത്ത് നിര്‍ത്തിയിട്ട കെ.എല്‍. 14 എച്ച്. 3813 നമ്പര്‍ ബൈക്കാണ് കത്തിച്ചത്. ശനിയാഴ്ച പുലര്‍ചെ നാല് മണിയോടെയാണ് സംഭവം ശ്രദ്ധയില്‍പെട്ടത്.

ബൈക്കില്‍ നിന്ന് തീ പടര്‍ന്ന് തൊട്ടടുത്ത് നിര്‍ത്തിയിട്ടിരുന്ന കെ.എല്‍. 14 എല്‍. 9857 നമ്പര്‍ മാരുതി ആള്‍ടോ കാറിനും കേടുപാടുകള്‍ സംഭവിച്ചു. ഉമറിന്റെ വീട്ടിനടുത്ത് താമസിക്കുന്ന സഹോദരന്‍ യൂസഫാണ് പുലര്‍ചെ ബൈക്ക് കത്തുന്നത് ആദ്യം കണ്ടത്. തുടര്‍ന്ന് ഉമറിനെ വിളിച്ചുണര്‍ത്തി തീ അണയ്ക്കുകയായിരുന്നു. അപ്പോഴേക്കും ബൈക്ക് പൂര്‍ണമായും കത്തി നശിച്ചിരുന്നു.

2010 മാര്‍ച് 23ന് ഇതേ വീട്ടുമുറ്റത്ത് നിര്‍ത്തിയിരുന്ന ബൈക്കും കാറും ഓട്ടോ റിക്ഷയും തീവെച്ച് നശിപ്പിക്കപ്പെട്ടിരുന്നു. ആ സംഭവത്തില്‍ പോലീസ് കേസെടുത്തിരുന്നുവെങ്കിലും അന്വേഷണം എങ്ങും എത്തിയിരുന്നില്ല അതിനിടെയാണ് വീണ്ടും തീവെപ്പുണ്ടായത്. ടൗണ്‍ പോലീസ് സ്ഥലത്തെത്തി അന്വേഷണം നടത്തിവരികയാണ്.

Keywords: Malappuram News, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram New