മംഗലാപുരം വിമാനത്താവളത്തില്‍ രണ്ടുകിലോ കഞ്ചാവുമായി തൃക്കരിപ്പൂര്‍ സ്വദേശി പിടിയില്‍

മംഗലാപുരം: ദുബായില്‍നിന്നെത്തിയ തൃക്കരിപ്പൂര്‍ സ്വദേശി രണ്ടുകിലോ കഞ്ചാവുമായി മംഗലാപുരം അന്താരാഷ്ട്ര വിമാനത്താവളത്തില്‍ പിടിയിലായി. 

തൃക്കരിപ്പൂര്‍ സ്വദേശി അമല്‍ദേവാണ് പിടിയിലായത്. 

ശനിയാഴ്ച രാത്രി എട്ടിന് എയര്‍ ഇന്ത്യാ എക്‌സ്​പ്രസ്സില്‍ എത്തിയ യാത്രക്കാരനില്‍നിന്നാണ് സുരക്ഷാ ഉദ്യോഗസ്ഥര്‍ കഞ്ചാവ് പിടിച്ചത്. നന്നായി പാക്ക്‌ചെയ്ത കഞ്ചാവ് സ്‌കാനിങ്ങില്‍പോലും പിടിക്കപ്പെട്ടിരുന്നില്ല. പിന്നീട് സംശയംതോന്നി സുരക്ഷാ ഉദ്യോഗസ്ഥര്‍ നടത്തിയ പരിശോധനയിലാണ് പായ്ക്കറ്റുകള്‍ പുറത്തുവന്നത്. 

വന്‍ കഞ്ചാവ് ശ്യംഖലയിലെ പ്രധാന കണ്ണിയാണ് ഇയാളെന്ന് അധികൃതര്‍ പറഞ്ഞു. മംഗലാപുരം വിമാനത്താവളത്തിലെ ഏറ്റവും വലിയ കഞ്ചാവുവേട്ടയാണിത്. പ്രതിയെ ബജ്‌പെ പോലീസിന് കൈമാറി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News