മഞ്ജു അഭിനയിച്ച പരസ്യം കല്ല്യാണ്‍ പിന്‍വലിക്കുന്നു

എല്ലാവരും വലിയ പ്രതീക്ഷയോടെ കാത്തിരുന്നതായിരുന്നു മഞ്ജു വാര്യരുടെ ക്യാമറയ്ക്കു മുന്നിലേയ്ക്കുള്ള മടങ്ങിവരവ്. സിനിമയിലേക്കുള്ള മടങ്ങിവരവിന്റെ മുന്നോടിയായാണ് കല്ല്യാണിന്റെ പരസ്യത്തില്‍ മഞ്ജു അഭിനയിച്ചത്.

മഞ്ജുവും ബിഗ്ബിയും ഉള്ളതു കൊണ്ട് പരസ്യം ഹിറ്റാകുമെന്ന് കല്ല്യാണും ഒപ്പം ജനങ്ങളും പ്രതീക്ഷിച്ചു. എന്നാല്‍ പരസ്യം ചാനലുകളില്‍ വന്ന് കുറച്ചു കഴിഞ്ഞപ്പോള്‍ തന്നെ വേണ്ടത്ര ശ്രദ്ധ ലഭിക്കാതെയായി. കാഴ്ചക്കാരില്‍ നിന്ന് വന്‍ വിമര്‍ശനം ഏറ്റുവാങ്ങേണ്ടിയും വന്നു.

താമസിയാതെ മെല്ലെ മെല്ലെ മഞ്ജു അഭിനയിച്ച പരസ്യം കല്ല്യാണ്‍ പിന്‍വലിക്കാന്‍ തുടങ്ങി. മഞ്ജുവിന് വെല്ലുവിളിയായി എത്തിയതോ ഐശ്വര്യ റായിയും. ഐശ്വര്യ റായിയെ വെച്ച് കല്ല്യാണ്‍ മറ്റൊരു പരസ്യം എടുത്തു. ശരീരത്തില്‍ വളകള്‍ കൊണ്ട് വസ്ത്രമണിഞ്ഞ് നടന്ന ഐശ്വര്യയുടെ പരസ്യത്തെ പ്രേക്ഷകര്‍ രണ്ട് കൈയും നീട്ടി സ്വീകരിച്ചു. മഞ്ജുവിന്റെ പരസ്യത്തിനേറ്റ ക്ഷീണം അവര്‍ ഐശ്വര്യയെ വെച്ച് തീര്‍ത്തു.

പിന്നീടാണ് മഞ്ജുവിനെയും ഐശ്വര്യയെയും ഒന്നിച്ച് വെച്ച് പരസ്യം ചെയ്യുമെന്ന വാര്‍ത്ത വന്നത്. എന്നാല്‍ ഇപ്പോള്‍ വരുന്ന വാര്‍ത്ത കല്ല്യാണ്‍ ചിത്രീകരിക്കുന്ന പുതിയ പരസ്യത്തില്‍ നിന്നും മഞ്ജുവിനെ ഒഴിവാക്കുന്നുവെന്നതാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News