കളമശ്ശേരിയിലുള്ള പെണ്‍കുട്ടിയുടെ അച്ഛന്‍ സിറ്റി പോലീസ് കമ്മീഷണര്‍ക്ക് നല്‍കിയ പരാതിയുടെ അടിസ്ഥാനത്തിലാണ് അറസ്റ്റ്. ദുബായില്‍ ജോലിയുള്ള റിഫിന്‍ കാദര്‍ നാട്ടില്‍ ബന്ധുവിന്റെ വിവാഹത്തിന് വന്നപ്പോഴാണ് പോലീസ്പിടിയിലായത്.
പെണ്‍കുട്ടിയുമായി ഇയാള്‍ ഇന്‍റര്‍നെറ്റിലൂടെ പരിചയപ്പെടുകയും പ്രേമംനടിച്ച് ഫോട്ടോ കൈക്കലാക്കുകയായിരുന്നുവെന്ന് പോലീസ് പറഞ്ഞു. പിന്നീട് ഇയാള്‍ പെണ്‍കുട്ടിയുടെ വീട്ടുകാരുമായി വിവാഹാലോചന നടത്തി. എന്നാല്‍, പെണ്‍കുട്ടിയുടെ വീട്ടുകാര്‍ക്ക് ആലോചന ഇഷ്ടമായില്ല. ഇതേത്തുടര്‍ന്നാണ് പെണ്‍കുട്ടിയുടെ ചിത്രം മോര്‍ഫ്‌ചെയ്ത് മോശമായി ഇന്‍റര്‍നെറ്റില്‍ പ്രചരിപ്പിച്ചത്.
ഇന്‍റര്‍നെറ്റില്‍ പെണ്‍കുട്ടിയെ മോശമായി ചിത്രീകരിച്ചതറിഞ്ഞ് പെണ്‍കുട്ടിയുടെ വീട്ടുകാര്‍ റിഫിന്‍ കാദറുമായി ബന്ധപ്പെട്ട് ചിത്രം മാറ്റണമെന്നാവശ്യപ്പെട്ടെങ്കിലും ഇയാള്‍ വഴങ്ങിയില്ല. ഇതേത്തുടര്‍ന്നാണ് സിറ്റി പോലീസ് കമ്മീഷണര്‍ക്ക് പരാതി നല്‍കിയത്. ഇയാളുടെ ലാപ്‌ടോപ്പ് പോലീസ് പിടിച്ചെടുത്തിട്ടുണ്ട്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kalamassery, Arrested, Rifin Khader
No comments:
Post a Comment