മുംബൈയില് നിന്ന് അക്ബര് ട്രാവല്സ് ബസില് കാസര്കോട്ടേക്ക് വരികയായിരുന്നു അലി. ഡി.വൈ.എസ്.പി. മോഹന ചന്ദ്രന് നായര്ക്ക് ലഭിച്ച രഹസ്യ വിവരത്തെ തുടര്ന്ന് ബസ് തടഞ്ഞുനിര്ത്തി നടത്തിയ പരിശോധനയിലാണ് കുഴല്പണം കണ്ടെത്തിയത്. കാര്ട്ടൂണ് പെട്ടിക്കകത്താണ് നോട്ടുകെട്ടുകള് സൂക്ഷിച്ചിരുന്നത്. മറ്റൊരു പെട്ടിയില് ബിസ്ക്കറ്റുകളും സൂക്ഷിച്ചിരുന്നു.
കാസര്കോട്ടെ ഒരാള്ക്ക് നല്കാനാണ് പണം കൊണ്ടുവന്നതെന്ന് അലി മൊഴി നല്കിയതായി പോലീസ് പറഞ്ഞു. സമീപത്ത് നിര്ത്തിയിട്ടിരുന്ന ഒരു ഇന്നോവ കാറിനെകുറിച്ച് പോലീസ് അന്വേഷിക്കുന്നു. അലിയുടെ കൈയ്യില് നിന്ന് പണംവാങ്ങിയ ശേഷം സഞ്ചരിക്കാന് വേണ്ടിയാണ് ഈ കാര് എത്തിയതെന്നാണ് സംശയം. കുഴല്പണം പിടികൂടിയ സംഘത്തില് കെ. ബാലകൃഷ്ണന്, നാരായണന് നായര്, അബൂബക്കര് എന്നീ പോലീസ് കോണ്സ്റ്റബിള്മാരും ഉണ്ടായിരുന്നു.
പ്രതിയെ ടൗണ് സ്റ്റേഷനില് ചോദ്യംചെയ്തുവരികയാണ്. കുഴല്പണ കടത്തിന്റെ ഏജന്റാണ് അലി എന്ന് സംശയിക്കുന്നു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, kasaragod, Police, Arrested, Ali
No comments:
Post a Comment