കാര്‍ക്കളയില്‍ വീണ്ടും കവര്‍ച്ച: ജ്വല്ലറിയില്‍നിന്ന് 18 ലക്ഷത്തിന്റെ ആഭരണങ്ങള്‍ കൊളളയടിച്ചു

മംഗലാപുരം: കഴിഞ്ഞദിവസം ലക്ഷങ്ങളുടെ കവര്‍ച്ചനടന്ന കാര്‍ക്കളയില്‍ വ്യാഴാഴ്ച വീണ്ടും കവര്‍ച്ച. ശീതള്‍ ബാറിനടുത്തുള്ള സന്തോഷ് ജ്വല്ലറിയില്‍നിന്നാണ് 17.75 ലക്ഷത്തിന്റെ സ്വര്‍ണവും വെള്ളിയും കവര്‍ന്നത്.

തൊട്ടടുത്ത വര്‍ക്‌ഷോപ്പിന്റെ ഉള്ളില്‍ പൂട്ടുപൊളിച്ചുകയറിയ മോഷ്ടാക്കള്‍ അതിനുള്ളില്‍നിന്ന് ചുവരുതുളച്ചാണ് തൊട്ടടുത്ത ജ്വല്ലറിയില്‍ കയറിയത്. തുടര്‍ന്ന് ഗ്യാസ് കട്ടര്‍ ഉപയോഗിച്ച് ലോക്കര്‍ തകര്‍ത്തു . 600 ഗ്രാം സ്വര്‍ണവും ഒന്നര കിലോ വെള്ളിയുമാണ് കവര്‍ന്നത്.

സി.സി.ടി.വി.യുടെ ഡി.വി.ആര്‍. ബോക്‌സും കൊണ്ടുപോയതിനാല്‍ ദൃശ്യങ്ങളൊന്നും ലഭ്യമല്ല. കവര്‍ച്ചക്കാര്‍ ഉപയോഗിച്ച ഗ്യാസ്‌കട്ടര്‍ പോലീസ് കണ്ടെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News