കാമുകന്റെ വീടിനു മുന്നില്‍ യുവതിയുടെ സത്യാഗ്രഹം

പയ്യന്നൂര്‍: ഭര്‍ത്താവ് ഉപേക്ഷിച്ച് കൈക്കുഞ്ഞുങ്ങളുമായി കാമുകനെ തേടിയെത്തിയ യുവതിയെ കാമുകനും ഉപേക്ഷിച്ചപ്പോള്‍ കാമുകന്റെ വീടിനു മുന്നില്‍ യുവതി സത്യാഗ്രഹം ഇരുന്നു. പോലീസ് എത്തിയിട്ടും കൂസാത്ത യുവതിയെ ഒടുവില്‍ സഹോദരനെത്തി നിര്‍ബന്ധിച്ച് കൂട്ടിക്കൊണ്ടുപോയി.

കഴിഞ്ഞ ദിവസം രാത്രി പാടിയോട്ട് ചാലില്‍ നടുത്ത് വയക്കരയിലാണ് സംഭവം അരങ്ങേറിയത്.
വയക്കരയിലെ യുവതി മലപ്പുറത്തെ ഗള്‍ഫ് കാരന്റെ ഭാര്യയാണ്. ഭര്‍ത്താവിന്റെ വീട്ടിലായിരുന്നു താമസം. ചില പ്രശ്‌നങ്ങള്‍ ഉണ്ടായതിനെതുടര്‍ന്ന് രണ്ട് വയസായ കുഞ്ഞിനെയുമെടുത്ത് വയക്കരയിലെ വീട്ടിലെത്തി. പിന്നീടാണ് വിവാഹത്തിനു മുമ്പേ ബന്ധമുണ്ടായിരുന്ന പൂര്‍വ്വ കാമുകന്റെ വീട്ടിലെത്തിയത്. വിവാഹിതയും ഒരു കുഞ്ഞിന്റെ മാതാവുമായ യുവതിയെ സ്വീകരിക്കാന്‍ കാമുകന്‍ തയ്യാറായില്ല. തുടര്‍ന്ന ബഹളം വെച്ച യുവതി വീട്ടിനു മുന്നില്‍ സത്യാഗ്രഹം ആരംഭിച്ചു.

വിവരം അറിഞ്ഞ് വീട്ടിലെത്തിയ പെരിങ്ങോം പോലീസ് അനുരഞ്ജന ശ്രമം നടത്തിയെങ്കിലും വിജയിച്ചില്ല. ഒടുവില്‍ പോലീസുതന്നെ വീട്ടുകാരെ വിവരമറിയിച്ചു. വഴങ്ങാത്ത യുവതിയെ സഹോദരനോടൊപ്പം പോലീസ് നിര്‍ബന്ധപൂര്‍വ്വം പറഞ്ഞയക്കുകയായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News