തിങ്കളാഴ്ച രാവിലെ 11 നാണ്‌ നഗരത്തിനു സമീപമുള്ള സെന്റ്‌ ഗ്രീഗോറിയോസ്‌ ഇംഗ്ലീഷ്‌ മീഡിയം എല്‍.പി. സ്‌കൂളില്‍ കുട്ടിയുമായി അജ്‌ഞാത യുവതി എത്തിയത്‌. പ്രിന്‍സിപ്പല്‍ സ്‌ഥലത്തില്ലായിരുന്നു. പ്രിന്‍സിപ്പല്‍ എത്തിയശേഷമേ കുട്ടിയെ സ്‌കൂളില്‍ ചേര്‍ക്കാനാകൂ എന്ന്‌ അധ്യാപകര്‍ യുവതിയെ അറിയിച്ചു. കുട്ടി ക്ലാസിലിരിക്കട്ടെയെന്നും പ്രിന്‍സിപ്പല്‍ എത്തുമ്പോഴേക്കും തിരികെ എത്താമെന്നും പറഞ്ഞ്‌ യുവതി പോയി.
യുവതിയുടെ പെരുമാറ്റത്തില്‍ സംശയം തോന്നാതിരുന്നതിനാല്‍ അധ്യാപകര്‍ കുട്ടിയെ ക്ലാസിലിരുത്തി. വൈകുന്നേരം സ്‌കൂള്‍ വിട്ട ശേഷവും യുവതി തിരിച്ചെത്തിയില്ല. ഇതേത്തുടര്‍ന്നാണ്‌ അധികൃതര്‍ പോലീസില്‍ വിവരമറിയിച്ചത്‌. എസ്‌.ഐയുടെ നേതൃത്വത്തിലെത്തിയ പോലീസ്‌ കുട്ടിയെ സ്‌റ്റേഷനിലേക്കു കൊണ്ടുപോയി. കുട്ടിക്കൊപ്പം അധ്യാപകരും സ്‌റ്റേഷനിലെത്തിയിരുന്നു. പോലീസുകാര്‍ കുട്ടിയോടു വിവരങ്ങള്‍ ചോദിച്ചറിയാന്‍ ശ്രമിച്ചെങ്കിലും വ്യക്‌തമായ ഉത്തരം ലഭിച്ചില്ല.
ഒരു മാസംമുമ്പ്‌ കുട്ടിയെ സ്‌കൂളില്‍ ചേര്‍ക്കണമെന്ന ആവശ്യവുമായി ഒരു സ്‌ത്രീ തന്നെ സമീപിച്ചിരുന്നുവെന്നും കുട്ടിയുമായി എത്താനാവശ്യപ്പെട്ട്‌ ഇവരെ മടക്കി അയയ്‌ക്കുകയായിരുന്നെന്നും ഇവര്‍ തന്നെയാണോ തിങ്കളാഴ്ച കുട്ടിയുമായി സ്‌കൂളിലെത്തിയതെന്നു സംശയമുണ്ടെന്നും പ്രിന്‍സിപ്പല്‍ പോലീസിനോടു പറഞ്ഞു.
രാത്രി തന്നെ കുട്ടിയെ ചില്‍ഡ്രന്‍സ്‌ വെല്‍ഫയര്‍ കമ്മിറ്റി മുമ്പാകെ ഹാജരാക്കി. രാത്രിയോടെ ക്ഷീണിതനായ കുട്ടിക്കു പോലീസുകാര്‍ ഭക്ഷണം വാങ്ങിനല്‍കുകയും കിടത്തിയുറക്കുകയും ചെയ്‌തു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment