മഞ്ജു അഭിനയിച്ച പരസ്യം പിന്‍വലിച്ചിട്ടില്ലെന്ന് കല്ല്യാണ്‍

കല്ല്യാണ്‍ ജ്വല്ലേഴ്‌സിന്റെ പരസ്യത്തില്‍ നിന്നും മഞ്ജുവിനെ മാറ്റിയെന്ന വാര്‍ത്ത തെറ്റാണെന്ന് അറിയിച്ച് കല്ല്യാണ്‍ രംഗത്ത്. സിനിമയില്‍ മഞ്ജു എത്തുന്നതിന് മുന്നോടിയായാണ് പരസ്യത്തില്‍ മഞ്ജു അഭിനയിച്ചത്.

മഞ്ജുവിനെ മാറ്റിയാണ് ഐശ്വര്യ റായിയെ വച്ച് പുതിയ പരസ്യമെടുത്തത് എന്ന് വാര്‍ത്തകള്‍ വന്നിരുന്നു. ഇതിനെ കല്ല്യാണ്‍ എതിര്‍ത്തു.

മഞ്ജുവിനെ ഒഴിവാക്കി ഐശ്വര്യ റായിയെ ബ്രാന്‍ഡ് അംബാസഡര്‍ ആക്കി എന്ന വാര്‍ത്തയും കല്ല്യാണ്‍ നിഷേധിച്ചു. സ്ഥാപനത്തിന്റെ ദേശീയ അംബാസഡറാണ് ഐശ്വര്യ.

മഞ്ജു അഭിനയിച്ച പരസ്യത്തിന് നല്ല പ്രതികരണമാണ് ലഭിച്ചിട്ടുള്ളതെന്നും കല്ല്യാണ്‍ വ്യക്തമാക്കി. ആ പരസ്യം തീര്‍ത്തും ഫലപ്രദമാണെന്നും കല്ല്യാണ്‍ അധികൃതര്‍ അറിയിച്ചു.

മഞ്ജുവിനെയും ഐശ്വര്യയെയും വെച്ച് പരസ്യം ചെയ്യുമെന്നും എന്നാല്‍ അതില്‍ നിന്നും മഞ്ജുവിനെ ഒഴിവാക്കുന്നുവെന്നും വാര്‍ത്ത വന്നിരുന്നു. ഇതും കല്ല്യാണ്‍ നിഷേധിച്ചിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News