ഓസ്‌ട്രേലിയക്കാര്‍ക്ക് ബ്രാഡ്മാന്‍ വേണ്ട സച്ചിന്‍ മതി

സിഡ്‌നി: ബ്രാഡ്മാനോ സച്ചിനോ? ലോകം കണ്ട ഏറ്റവും വലിയ ക്രിക്കറ്റ് പ്രതിഭയാരെന്ന ചോദ്യത്തിനു മുന്നില്‍ ക്രിക്കറ്റ് പ്രേമികള്‍ സംശയത്തോടെ നില്‍ക്കുമ്പോള്‍ ഡോണ്‍ ബ്രാഡ്മാന്റെ സ്വന്തം നാട് വിധിയെഴുതുന്നു,? സച്ചിന്‍ തന്നെ. പ്രശസ്തമായ ഓസ്‌ട്രേലയന്‍ പത്രം ഡെയ്‌ലി ടെലിഗ്രാഫ് ലോകത്തെ പത്ത് മികച്ച ക്രിക്കറ്റര്‍മാരെ പങ്കെടുപ്പിച്ച് നടത്തിയ ഓണ്‍ലൈന്‍ വോട്ടെടുപ്പില്‍ പങ്കെടുത്തതില്‍ 66 ശതമാനം പേരും സചിനെ സംശയമില്ലാതെ അംഗീകരിച്ചു.

മൊത്തം പോള്‍ ചെയ്ത 6234 വോട്ടില്‍ 4094 പേരും സചിനുവേണ്ടി വിധിയെഴുതി (65.67 ശതമാനം). സച്ചിന്റെ വിഗ്രഹമായ ബ്രാഡ്മാന് 1171 വോട്ടാണ് (18.78 ശതമാനം) ലഭിച്ചത്. ലാറ (4.32) വിവിയന്‍ റിച്ചാര്‍ഡ്‌സ് (4.06) എന്നിവര്‍ മൂന്നും നാലും സ്ഥാനത്താണെങ്കിലും ഏറെ പിന്നിലായി. ഗാരി സോബേഴ്‌സ്, ജാക്വസ് കല്ലിസ്, ലെന്‍ ഹട്ടണ്‍, രാഹുല്‍ ദ്രാവിഡ്, അലന്‍ ബോര്‍ഡര്‍ എന്നിവരെയാണ് ഡെയ്‌ലി ടെലിഗ്രാഫ് തിരഞ്ഞെടുത്ത മറ്റ് ആറു പേര്‍.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Sidni, Cricket, Sachin