കദ്രിയില്‍ പടക്കവില്പനശാല കത്തിനശിച്ചു

മംഗലാപുരം:കദ്രി റോട്ടറി ഓഫീസിനു സമീപമുള്ള പടക്കവില്പനശാല ശനിയാഴ്ച പുലര്‍ച്ചെ കത്തിനശിച്ചു. രാജേഷിന്റെ ഉടമസ്ഥതയിലുള്ള മധുസൂതന്‍ എന്ന കടയാണ് കത്തിയത്. ദീപാവലിക്കുള്ള പടക്കങ്ങളാണ് കത്തിയത്.

ഒരു ജീവനക്കാരന്‍ കടയ്ക്കുള്ളില്‍ കിടന്നുറങ്ങുന്നുണ്ടായിരുന്നു. പൊട്ടാന്‍തുടങ്ങിയപ്പോഴേക്ക് അയാള്‍ ഓടി രക്ഷപ്പെട്ടതിനാല്‍ പരിക്കേറ്റില്ല. പടക്കങ്ങള്‍ ഒന്നൊന്നായി പൊട്ടിത്തീര്‍ന്നപ്പോഴേക്കും കട പൂര്‍ണമായും കത്തിയിരുന്നു. കടയ്ക്കു മുന്നിലുണ്ടായിരുന്ന ഒരു സ്‌കൂട്ടറും നശിച്ചിട്ടുണ്ട്. പാണ്ഡേശ്വരത്തെയും കദ്രിയിലെയും അഗ്‌നിശമന സേനയുടെ നേതൃത്വത്തിലാണ് തീയണച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News