എസ്എഫ്‌ഐ നേതാവിന്റെ പിതാവിനെ വെട്ടിക്കൊന്ന സംഭവത്തില്‍ മൂന്ന് ആര്‍എസ്എസുകാര്‍ പിടിയില്‍

തിരുവനന്തപുരം: എസ്എഫ്‌ഐ നേതാവിന്റെ പിതാവിനെ വീട്ടില്‍ കയറി വെട്ടിക്കൊന്ന സംഭവത്തില്‍ മൂന്ന് ആര്‍എസ്എസുകാര്‍ കൂടി പിടിയിലായി. സജികുമാര്‍, അജയന്‍, ബിനു എന്നിവരാണ് പിടിയിലായത്. ചൊവ്വാഴ്ച രാത്രിയിലാണ് ആനാവൂര്‍ കല്ലറ സരസ്വതി മന്ദിരത്തില്‍ നാരായണന്‍ നായര്‍ (53) കൊല്ലപ്പെട്ടത്.

തിരുവനന്തപുരം കോര്‍പ്പറേഷന്‍ സര്‍വീസ് സഹകരണ ബാങ്കിലെ അസിസ്റ്റന്റ് സ്റ്റോര്‍ കീപ്പറായിരുന്നു നാരായണന്‍ നായര്‍. മക്കളായ ഡിവൈഎഫ്‌ഐ വെള്ളറട ഏരിയാ കമ്മിറ്റി അംഗവും തിരുവനന്തപുരം കോര്‍പ്പറേഷന്‍ സഹകരണ സംഘത്തിലെ ക്യാഷ്യറുമായ ഗോപകുമാര്‍ (25) കാട്ടാക്കട ക്രിസ്ത്യന്‍ കോളേജിലെ മൂന്നാം വര്‍ഷം ബി.എ. വിദ്യാര്‍ഥി ശിവപ്രസാദ് (23) എന്നിവരെയും അക്രമികള്‍ വെട്ടിപ്പരിക്കേല്‍പിച്ചിരുന്നു.

എസ്എഫ്‌ഐക്കാര്‍ നടത്തിയ ഉപരോധ സമരത്തിനിടെ ചെമ്പൂര് ഹൈസ്‌ക്കൂളിന് സമീപം കെഎസ്ആര്‍ടിസി ബസ് തടയുകയും ഡ്രൈവറെ വലിച്ചിറക്കി മര്‍ദ്ദിക്കുകയും ചെയ്തിരുന്നു. ഈ സംഭവങ്ങളുടെ പ്രതികാരമായിട്ടാണ് അക്രമം ഉണ്ടായതെന്നാണ് സൂചന.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, SFI, Murder Case, RSS, Arrested