യുവാവിനെ തട്ടിക്കൊണ്ടുപോയ കേസ്: സലീംരാജിന്റെ കുറ്റപത്രം വ്യാഴാഴ്ച സമര്‍പ്പിക്കും

മുഖ്യമന്ത്രിയുടെ മുന്‍ ഗണ്‍മാന്‍ സലീംരാജ് പ്രതിയായ കേസില്‍ വ്യാഴാഴ്ച കുറ്റപത്രം സമര്‍പ്പിക്കും. സുഹൃത്തിന്റെ ഭാര്യയുടെ കാമുകനെ തട്ടി കൊണ്ട് പോകാന്‍ ശ്രമിച്ച കേസില്‍ സലീം രാജിനെ ഏഴാം പ്രതിയാക്കിയാണ് കുറ്റപത്രം സമര്‍പ്പിക്കുക.

കോഴിക്കോട് ഒന്നാം ക്ലാസ് ജുഡീഷ്യല്‍ മജിസ്‌ട്രേറ്റ് കോടതിയില്‍ ചേവായൂര്‍ പോലീസ് കുറ്റപത്രം സമര്‍പ്പിക്കും. ക്വട്ടേഷന്‍ സംഘത്തോടൊപ്പം ചേര്‍ന്ന് യുവാവിനെ തട്ടി കൊണ്ട് പോകാന്‍ ശ്രമിച്ചുവെന്നാണ് കേസ്. തട്ടിക്കൊണ്ടു പോയി അപായപ്പെടുത്താന്‍ ശ്രമിച്ചു അന്യായമായി സംഘം ചേരല്‍, മര്‍ദ്ദിക്കല്‍ തുടങ്ങിയ കുറ്റങ്ങളാണ് പ്രതികള്‍ക്കെതിരെ കുറ്റപത്രത്തില്‍ ചുമത്തിയിരിക്കുന്നത്.

പിടികിട്ടാപ്പുള്ളി റീജോയ്‌ക്കൊപ്പമാണ് സലീംരാജ് തട്ടിക്കൊണ്ടുപോകാന്‍ ശ്രമം നടത്തിയത്. ഇയാളെ മര്‍ദ്ദിക്കുകയും മറ്റും ചെയ്തതിനെ തുടര്‍ന്ന് നാട്ടുകാര്‍ സലീംരാജ് ഉള്‍പ്പടെയുള്ള ഏഴംഗസംഘത്തെ റോഡില്‍ തടഞ്ഞുവെച്ച് പൊലീസില്‍ ഏല്‍പ്പിക്കുകയായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Salim Raj, Case, Police