കൊറുവയല്‍ ശ്രീദുര്‍ഗ്ഗാപരമേശ്വരം ക്ഷേത്ര ശിലാസ്ഥാപനം നടത്തി

കാസര്‍കോട്‌ : കൊറുവയല്‍ ശ്രീ ദുര്‍ഗ്ഗാപരമേശ്വരി ക്ഷേത്ര പുനനിര്‍മ്മാണത്തിനു തുടക്കം കുറിച്ച്‌ എടനീര്‍ മഠാധിപതി കേശവാനന്ദഭാരതി സ്വാമിജി ശിലാസ്ഥാപനം നടത്തി. തുടര്‍ന്നു നടന്ന പരിപാടിയില്‍ ക്ഷേത്രസേവാ സമിതി പ്രസിഡണ്ട്‌ കെ നടരാജ്‌ നായ്‌ക്ക്‌ അധ്യക്ഷത വഹിച്ചു. 

ബ്രഹ്മശ്രീ വിഷ്‌ണു പ്രകാശ തന്ത്രി കാവുമഠം മുഖ്യപ്രഭാഷണം നടത്തി. കെ എസ്‌ സുന്ദരനായ്‌ക്ക്‌, കെ സി നായ്‌ക്ക്‌ തുടങ്ങിയവര്‍ സംബന്ധിച്ചു. ക്ഷേത്ര പുനര്‍നിര്‍മ്മാണ സമിതി പ്രസിഡണ്ട്‌ എ ടി നായ്‌ക്ക്‌ സ്വാഗതവും എം ബാലകൃഷ്‌ണ നായ്‌ക്ക്‌ നന്ദിയും പറഞ്ഞു. 

ക്ഷേത്ര പരിസരത്തു നിന്നും സ്വാമിജിയെ പൂര്‍ണ്ണകുംഭത്താടെയാണ്‌ ആനയിച്ചത്‌. സ്‌ത്രീകളും കുട്ടികളുമടക്കം നിരവധി പേര്‍ പങ്കെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News