ബന്വാളിലെ അനിത, സുള്ള്യയിലെ സുനന്ദ, വാമഡപുടവയിലെ ലീല എന്നിവര് കൊലചെയ്യപ്പെട്ട കേസിലെ വിചാരണയാണു പൂര്ത്തിയായത്. അനിതയെ കാണാതായ കേസില് പോലീസ് നടത്തിയ അന്വേഷണത്തിലാണു മോഹന്കുമാര് എന്ന കായികാധ്യാപകന് നടത്തിയ അരുംകൊലകളുടെ കഥ പുറംലോകം അറിഞ്ഞത്.
വിചാരണ പൂര്ത്തിയായ മൂന്നു കേസുകളടക്കം 14 കേസുകളാണ് വിവിധ കോടതികളില് ഇയാള്ക്കെതിരേയുള്ളത്. ആറു കേസുകളുടെ അന്വേഷണം നടക്കുന്നു. മോഹന്കുമാര് 2005 മുതല് 2009 വരെ ഇരുപതു യുവതികളെ വശീകരിച്ചു ലൈംഗികമായി പീഡിപ്പിച്ചശേഷം സയനൈഡ് നല്കി കൊന്നുവെന്നാണു കേസ്. കാസര്കോട്, ഷിമോഗ, മൈസൂര്, ഹാസന്, ബംഗളുരു, മടിക്കേരി തുടങ്ങിയ സ്ഥലങ്ങളിലെ യുവതികളാണു കൊല്ലപ്പെട്ടത്.
യുവതികളെ വിവാഹവാഗ്ദാനം നല്കി ഏതെങ്കിലും സ്ഥലത്തേക്കു വിളിച്ചുവരുത്തി ശാരീരിക ബന്ധത്തിലേര്പ്പെട്ടശേഷം സയനൈഡ് നല്കി കൊന്നു പണവും ആഭരണവുമായി മുങ്ങുകയാണു ചെയ്തിരുന്നതെന്നു കുറ്റപത്രത്തില് പറയുന്നു.
ഗര്ഭനിരോധന ഗുളികയാണെന്നു പറഞ്ഞാണ് യുവതികളെക്കൊണ്ടു സയനൈഡ് കഴിപ്പിച്ചിരുന്നത്. കാസര്കേട്ടെ അഞ്ചും ബണ്ട്വാളിലെ നാലും സുള്ള്യയിലെ രണ്ടും പുത്തൂരിലെ മൂന്നും യുവതികളെ ഇത്തരത്തില് പ്രതി കൊന്നിട്ടുണ്ട്. ഇവരില് പത്തുപേര് കൊല്ലപ്പെട്ടത് മൈസൂരിലും മൂന്നുപേര് മടിക്കേരിയിലും രണ്ടു പേര് ഹാസനിലും വച്ചാണ്. ഹൈക്കോടതിയിലുള്ള ചില കേസുകള്കൂടി ജില്ലാ കോടതിക്കു കൈമാറിയിട്ടുണ്ട്.
കോടതിയില് സ്വയം വാദിക്കുകയായിരുന്നു മോഹന്കുമാര്. നാലുവര്ഷം മുമ്പാണു മോഹന്കുമാര് അറസ്റ്റിലായത്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment