‘ലീഗുകാര്‍ മഞ്ചേരിയില്‍ തോറ്റവര്‍; തനിച്ച് മത്സരിച്ചാല്‍ ജയിക്കുമെന്ന വാദം തെറ്റ്’: ആര്യാടന്‍

തിരുവനന്തപുരം: ഒറ്റയ്ക്ക് മത്സരിച്ചാല്‍ വിജയിക്കുമെന്ന മുസ്ലിം ലീഗിന്റെ വാദം തെറ്റെന്ന് മന്ത്രി ആര്യാടന്‍ മുഹമ്മദ് പറഞ്ഞു. മഞ്ചേരിയില്‍ തോറ്റവരാണ് ലീഗുകാരെന്നും ആര്യാടന്‍ പറഞ്ഞു.

മഞ്ചേരി പോലെ അത്രയും ശക്തമായ മണ്ഡലത്തില്‍ ലീഗ് തോറ്റു. എല്ലാ മണ്ഡത്തിലും ജയിക്കുമെന്ന് കോണ്‍ഗ്രസ്സുകാര്‍ക്കും പറഞ്ഞുകൂടെ? പക്ഷേ അങ്ങനെ പറഞ്ഞതുകൊണ്ടായില്ല. എല്ലാവരുടെയും സഹകരണമുണ്ടെങ്കില്‍ മാത്രമേ ഭൂരിപക്ഷം സീറ്റുകളില്‍ വിജയിക്കാനാവൂ എന്നും ആര്യാടന്‍ പറഞ്ഞു.

മുസ്ലിം ലീഗ് ഒറ്റയ്ക്ക് മത്സരിച്ചാല്‍ മൂന്ന് ലോക്‌സഭാ മണ്ഡലങ്ങളില്‍ വിജയം നേടുമെന്ന് മലപ്പുറം ജില്ലാ നേതൃത്വം ഇന്നലെ അവകാശപ്പെട്ടിരുന്നു. പൊന്നാനിക്കും മലപ്പുറത്തിനും പുറമെ വയനാട്ടിലും ഒറ്റയ്ക്ക് ജയിക്കാനാകുമെന്നാണ് ലീഗ് ജില്ലാ ജനറല്‍ സെക്രട്ടറി ഹമീദ് പറഞ്ഞത്.

ലീഗിന്റെ ഈ അവകാശവാദത്തിന് എതിരെയാണ് ആര്യാടന്‍ പ്രതികരിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News