പ്രതിയെ വിവരമറിഞ്ഞ് സ്ഥലത്തെത്തിയ കാസര്കോട് പ്രിന്സിപ്പല് എസ്.ഐ. ഉത്തംദാസിന്റെ നേതൃത്വത്തിലുള്ള പോലീസ് സംഘം അറസ്റ്റുചെയ്തു. നുള്ളിപ്പാടിയില് ഹാഷിം താമസിക്കുന്ന വീടിനു മുന്നില്വെച്ച് വ്യാഴാഴ്ച ഉച്ചയ്ക്ക് ഓട്ടോയിലിരുന്ന് മദ്യപിക്കുകയായിരുന്ന മണിയുടേയും മറ്റുള്ളവരുടേയും നടപടി ഹാഷിം എതിര്ത്തിരുന്നു. ഹാഷിമിന് നേരെ വധഭീഷണിമുഴക്കിയാണ് ഇവര് പിന്നീട് പിരിഞ്ഞുപോയത്.
രാത്രി 10 മണിയോടെ ഹാഷിമിന്റെ പിതാവ് എം.എ. അബ്ദുല്ല താമസിക്കുന്ന വീട്ടില് മണി അതിക്രമിച്ചുകയറി കൊലവിളിനടത്തിയപ്പോള് പിതാവ് അബ്ദുല്ല ഹാഷിമിനെ ഫോണില് വിവരം അറിയിച്ചതിന്റെ അടിസ്ഥാനത്തില് തൊട്ടടുത്ത വീട്ടില്നിന്നും ഹാഷിം എത്തിയപ്പോഴാണ് മണി ഇരുമ്പ് വടികൊണ്ട് ഹാഷിമിനെ അക്രമിച്ചത്.
ബഹളംകേട്ട് വീട്ടുകാരും നാട്ടുകാരും ഓടിയെത്തിയപ്പോള് രക്ഷപ്പെടാന് ശ്രമിച്ച മണിയെ പിന്നാലെയെത്തിയ പോലീസ് പിടികൂടുകയായിരുന്നു. പരിക്കേറ്റ ഹാഷിമിനെ കാസര്കോട് കെയര്വെല് ആശുപത്രിയില് പ്രവേശിപ്പിച്ചു. ചെന്നിക്കര, നുള്ളിപ്പാടി ഭാഗങ്ങളില് മദ്യപാന്മാരുടേയും ഗുണ്ടകളുടേയും വിളയാട്ടം ശക്തമായിരിക്കുകയാണ്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Arrested, Police, case, Hashim
No comments:
Post a Comment