UAE ദേശീയ ദിനാഘോഷം, കുരുന്നു ഭാവനകള്‍ക്ക് വര്‍ണ്ണങ്ങള്‍ നല്‍കി ചിത്രരചനാ മത്സരം

ദുബൈ : ദുബായ് കെ.എം.സി.സി, യു.എ ഇ യുടെ നാല്പത്തി രണ്ടാം ദേശീയ ദിനാഘോഷത്തിന്റെ ഭാഗമായി സംഘടിപ്പിച്ച കുട്ടികളുടെ ചിത്ര രചനാ മത്സരത്തില്‍ കുരുന്നു ഭാവനകള്‍ക്ക് വര്‍ണ്ണങ്ങള്‍ നല്‍കി, നൂറോളം കുട്ടികള്‍ പങ്കെടുത്തപ്പോള്‍, കണ്ടു നിന്നവര്ക്കും കൂടെ വന്ന രക്ഷിതാക്കള്‍ക്കും വേറിട്ട അനുഭവമായി. അല്‍ബറായിലെ കെ.എം.സി.സി ഹാളില്‍, സബ്ജൂനിയര്‍, ജൂനിയര്‍, സീനിയര്‍ എന്നീ ഗ്രൂപ്പുകളിലായിരുന്നു മത്സരങ്ങള്‍ നടന്നത്.

കെ.എം.സി.സി കേന്ദ്ര കമ്മിറ്റി ജനറല്‍ സെക്രട്ടറി ഇബ്രാഹിം എലെട്ടില്‍ ,ദുബായ് കെ.എം.സി.സി പ്രസിഡന്റ് അന്‍വര്‍ നഹ, ആക്ടിംഗ് ജനറല്‍ സെക്രട്ടറി ഓ.കെ. ഇബ്രാഹിം, പ്രോഗ്രാം ജനറല്‍ കണ്വീനര്‍ അഡ്വ. സാജിദ്, സംസ്ഥാന ഭാരവാഹികളായ റയീസ് തലശ്ശേരി ,മുഹമ്മദ് വെട്ടുകാട്,, ഹസൈനാര്‍ തോടുംഭാഗം, നാസര്‍ കുറ്റിച്ചിറ, മുസ്തഫ തിരൂര്, ഹനീഫ് കല്‍മാട്ട തുടങ്ങിയവര്‍ സംബന്ധിച്ചു. എല്ലാ മത്സരാര്‍ത്ഥികള്‍ക്കും മലബാര്‍ ഗോള്‍ഡ് ഗിഫ്റ്റ് ഹാംപര്‍ മലബാര് ഗോള്‍ഡ് ഫിനാന്‍സ് ഡ യറക്ടര്‍ .അമീര്‍ നല്‍കി . വിജയികള്‍ക്കുള്ള സമ്മാനങ്ങളും സര്‍ട്ടിഫിക്കെട്ടും ഇന്ന് (ചൊവ്വ) രാത്രി കെ.എം.സി.സി.യില്‍ വെച്ച് നടക്കുന്ന ചടങ്ങില്‍ വിതരണം ചെയ്യുമെന്നു പ്രോഗ്രാം കമ്മിറ്റി അറിയിച്ചു.

കെ.എം.സി.സി യുടെ ആഘോഷ പരിപാടികളുടെ സമാപന സമ്മേളനം ഡിസംബര്‍ 6ന് ഗര്‍ഹൂദിലുള്ള എന്‍. ഐ. മോഡല്‍ സ്‌ക്കൂളില്‍ നടക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,