ഹോട്ടലിലെ സി.സി.ടി.വി ദൃശ്യങ്ങള് പോലീസ് പരിശോധിച്ച് വരുന്നു. ഹോട്ടലിലുണ്ടായിരുന്ന അഞ്ച് ക്യാമറകളില് നാലെണ്ണം അക്രമികള് തകര്ത്തിട്ടുണ്ട്. ഇതില് ഒരു ക്യാമറയില് അറബി വേശത്തിലെത്തിയ 3 അക്രമികളുടെ ചിത്രം പതിഞ്ഞിട്ടുണ്ട്. ഇവര് ഹനീഫയെ പിടികൂടി പണം ആവശ്യപ്പെടുന്നതും ഇവരോട് ചെറുത്ത് നില്ക്കുന്നതും തലപിടിച്ച് ഭിത്തിയിലടിക്കുന്നതും സിസി ടിവിയില് പതിഞ്ഞിട്ടുണ്ട്. കൊലയാളി സംഘത്തില് കൂടുതല് പേര് ഉണ്ടാകാനുള്ള സാധ്യത പോലീസ് തള്ളിക്കളയുന്നില്ല.
രാത്രി വൈകി ഹനീഫ തനിച്ച് ഹോട്ടല് പൂട്ടി പോകുന്ന വിവരം അറിയാവുന്നവരാണ് കൊലയ്ക്ക് പിന്നിലെന്ന് വ്യക്തമായിട്ടുണ്ട്. ഒന്നര വര്ഷം മുമ്പാണ് ഹനീഫ ദുബൈയില് ജോലിക്കെത്തിയത്. ഇതിനിടയില് തന്നെ ഹനീഫ ഹോട്ടലുടമകളുടെ വിശ്വസ്തനായി മാറിയിരുന്നു. കണ്ണൂര് സ്വദേശികളായ ഹോട്ടലുടമകള് തന്നെയാണ് ഹനീഫ മരിച്ച വിവരം നാട്ടിലറിയിച്ചത്.
ഉദുമ കാപ്പിലിലെ പരേതനായ ഇബ്രാഹിമിന്റെ മകനാണ് മരിച്ച മുഹമ്മദ് ഹനീഫ. മൃതദേഹം റാശിദിയ ആശുപത്രിയില് സൂക്ഷിച്ചിരിക്കുകയാണ്. വെള്ളിയാഴ്ച ആയതിനാല് കൂടുതല് നടപടി ക്രമങ്ങള് സ്വീകരിക്കാന് കഴിഞ്ഞിട്ടില്ല. പോസ്റ്റ്മോര്ട്ടത്തിന് ശേഷം രണ്ട് ദിവസത്തിനുള്ളില് മൃതദേഹം നാട്ടിലെത്തിക്കാന് കഴിയുമെന്നാണ് ഹോട്ടലുടമകള് അറിയിച്ചിട്ടുള്ളത്.
കുടുംബത്തിലെ ഏക ആണ് തരിയാണ് മരിച്ച മുഹമ്മദ് ഹനീഫ. മാതാവും ഭാര്യയും മാത്രമാണ് വീട്ടിലുള്ളത്. കളനാട്ടെ ഫസലുദ്ദീന്റെ ഭാര്യ സാജിദ, കുമ്പളയിലെ അബ്ദുല് റഹ്മാന്റെ ഭാര്യ ഫരീദ എന്നിവര് സഹോദരിമാരാണ്. അഞ്ച് വര്ഷം മുമ്പ് പിതാവ് ഇബ്രാഹിം തീവണ്ടി തട്ടി മരിച്ചിരുന്നു. പിന്നീട് കുടുംബത്തിന്റെ ചുമതല ഏറ്റെടുത്താണ് ഹനീഫ ദുബൈയിലേക്ക് പോയത്.
 |
| കൊല്ലപ്പെട്ട ഹനീഫയുടെ വീട് |
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News.
No comments:
Post a Comment