കെ എം അഹമ്മദ് മാഷ് അവാര്‍ഡ് വിതരണവും അനുസ്മരണ സമ്മേളനവും

കാസര്‍കോട് : പ്രശസ്ത പത്രപ്രവര്‍ത്തകന്‍ കെ എം അഹമ്മദ് മാഷിന്റെ പേരില്‍ കാസര്‍കോട് പ്രസ് ക്ലബ്ബ് എര്‍പ്പെടുത്തിയ മൂന്നാമത് അവാര്‍ഡ് വിതരണവും അനുസ്മരണ സമ്മേളനവും നടന്നു. കാസര്‍കോട് മുനിസിപ്പല്‍ കോണ്‍ഫറന്‍സ് ഹാളില്‍ നടന്ന പരിപാടിയുടെ ഉദ്ഘാടനവും അവാര്‍ഡ് ദാനവും നോവലിസ്റ്റ് സാറാ അബൂബക്കര്‍ നിര്‍വ്വഹിച്ചു. 

മാതൃഭൂമി ആലപ്പുഴ ബ്യൂറോയിലെ സീനിയര്‍ ന്യൂസ് ഫോട്ടോഗ്രാഫര്‍ സി ബിജു അവാര്‍ഡ് ഏറ്റുവാങ്ങി. ചടങ്ങില്‍ പ്രസ് ക്ലബ്ബ് പ്രസിഡണ്ട് എം ഒ വര്‍ഗ്ഗീസ് അധ്യക്ഷത വഹിച്ചു. അംബികാസുതന്‍ മാങ്ങാട് അനുസ്മരണ പ്രഭാഷണം നടത്തി. 

വികസന രാഷ്ട്രീയവും മാധ്യമങ്ങളും എന്ന വിഷയം സാഹിത്യവേദി പ്രസിഡണ്ട് റഹ്മാന്‍ തായലങ്ങാടി അവതരിപ്പിച്ചു. 

എം എല്‍ എ മാരായ എന്‍ എ നെല്ലിക്കുന്ന്, ഇ ചന്ദ്രശേഖരന്‍, മുനിസിപ്പല്‍ ചെയര്‍മാന്‍ ടി ഇ അബ്ദുല്ല, ജില്ലാ കളക്ടര്‍ പി എസ് മുഹമ്മദ് സഗീര്‍ തുടങ്ങിയവര്‍ സംബന്ധിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News