ചോയംകോട്‌ ബൈക്ക്‌ നിയന്ത്രണം വിട്ട്‌ മറിഞ്ഞ്‌ യുവാവ്‌ മരിച്ചു

നീലേശ്വരം : ചോയംകോടിനു സമീപം മഞ്ചിലംകാട്‌ വളവില്‍ ബൈക്ക്‌ നിയന്ത്രണം വിട്ട്‌ ഇലക്ട്രിക്‌ പോസ്റ്റില്‍ ഇടിച്ച്‌ യുവാവ്‌ മരിച്ചു. ചോയംകോട്‌ മാനൂരിലെ ഗംഗാധരന്‍-ശാരദ ദമ്പതികളുടെ മകന്‍ അനില്‍ (26) ആണ്‌ മരിച്ചത്‌.

 തിങ്കളാഴ്ച രാവിലെ നാട്ടുകാരാണ്‌ അനിലിനെ മരിച്ച നിലയില്‍ കണ്ടെത്തിയത്‌. ഞായറാഴ്ച ബന്ധുവീട്ടില്‍ പോയതായിരുന്നു. തിരിച്ചുവരുന്നതിനിടയില്‍ അപകടത്തില്‍പ്പെട്ടതാകാമെന്നു സംശയിക്കുന്നു.

 ഡ്രൈവറായി ജോലി ചെയ്‌തുവരികയായിരുന്നു അനില്‍. മൃതദേഹം ഇന്‍ക്വസ്റ്റിനു ശേഷം കാഞ്ഞങ്ങാട്‌ ജില്ലാശുപത്രി മോര്‍ച്ചറിയിലേക്ക്‌ മാറ്റി.
രതീഷ്‌ ഏകസഹോദരനാണ്‌.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,