സുരേന്ദ്രന്‍ നീലേശ്വരം സ്‌മാരക അവാര്‍ഡ്‌ മന്ത്രി എം കെ മുനീര്‍ വിതരണം ചെയ്‌തു

നീലേശ്വരം: പ്രശസ്‌ത മാധ്യമപ്രവര്‍ത്തകനും ഏഷ്യാനെറ്റ്‌ ലേഖകനുമായിരുന്ന സുരേന്ദ്രന്‍ നീലേശ്വരത്തിന്റെ പേരിലുള്ള ദൃശ്യ-മാധ്യമ അവാര്‍ഡ്‌ സിന്ധു സൂര്യകുമാറിനും, സുരേന്ദ്രന്‍ നീലേശ്വരത്തിന്റെ സഹോദരനും പ്രശസ്‌ത ഫോട്ടോഗ്രാഫറും മാധ്യമ പ്രവര്‍ത്തകനുമായ ശെല്‍വരാജ്‌ കയ്യൂരിന്റെ പേരില്‍ ഏര്‍പ്പെടുത്തിയ പ്രഥമ ഫോട്ടോഗ്രാഫി അവാര്‍ഡ്‌ റിങ്കുരാജ്‌ മട്ടാഞ്ചേരിക്കും തദ്ദേശ സ്വയംഭരണ വകുപ്പ്‌ മന്ത്രി എം കെ മുനീര്‍ വിതരണം ചെയ്‌തു. 

സ്‌മരാക സമിതിയുടെ നേതൃത്വത്തില്‍ നീലേശ്വരത്ത്‌ വെച്ചു നടന്ന അനുസ്‌മരണ ചടങ്ങിലാണ്‌ അവാര്‍ഡുകള്‍ വിതരണം ചെയ്‌തത്‌. പ്രൊഫ. കെ പി ജയരാജന്‍, ജനറല്‍ സെക്രട്ടറി പി വിജയകുമാര്‍ തുടങ്ങിയവര്‍ സംബന്ധിച്ചു.

ഏഷ്യാനെറ്റ്‌ ന്യൂസ്‌ കോര്‍ഡിനേറ്ററായ സിന്ധുവിന്റെ കവര്‍ സ്റ്റോറി എന്ന ദൃശ്യ പരിപാടിയിലെ അവതരണ ശൈലിയാണ്‌ അവാര്‍ഡിന്‌ പരിഗണിക്കപ്പെട്ടത്‌. ഡോ. സെബാസ്റ്റ്യന്‍ പോള്‍, പയ്യന്നൂര്‍ സതീഷ്‌ ബാബു, പ്രൊഫ. കെ പി ജയരാജന്‍ എന്നിവരടങ്ങിയ ജൂറിയാണ്‌ മാധ്യമ അവാര്‍ഡ്‌ പരിഗണിച്ചത്‌. പ്രൊഫ. എം എ റഹ്മാന്‍, ബാബു കാമ്പ്രത്ത്‌, ഡോ. എ എം ശ്രീധര്‍ എന്നിവരടങ്ങിയ ജൂറിയാണ്‌ ഫോട്ടോഗ്രാഫി അവാര്‍ഡ്‌ പരിഗണിച്ചത്‌.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News.