കാന്സര്, കിഡ്നി, ഹൃദ്രോഗം തുടങ്ങിയ രോഗങ്ങള്മൂലം കഷ്ടതഅനുഭവിക്കുന്ന കുരുന്നുകളുടെ അടിയന്തര ശസ്ത്രക്രിയക്ക് ആവശ്യമായ ഫണ്ട്് കണ്ടെത്തുന്നതിനാണ് ജീവന്രക്ഷാ മാരത്തണ് നടത്തുന്നതെന്നു ഷിനു പറഞ്ഞു.
2008 നവംബര് മുതല് ഷിനു ഓട്ടം നടത്തിവരുന്നുണ്ട്. തിരുവനന്തപുരം പരുത്തിപ്പാറയില് പച്ചക്കറിക്കട നടത്തിവരുകയാണ് ഈദീര്ഘ ദൂര ഓട്ടക്കാരന്. ഒരു ദിവസം 70 മുതല് 80 കിലോമീറ്റര് വരെ ഓടും. കാന്സര് രോഗംമൂലം ദുരിതമനുഭവിച്ച തിരുവനന്തപുരത്തെ അക്ഷയ് എന്ന കുട്ടിയുടെ ചികില്സാ ചെലവിലേക്ക് ഫണ്ട് സമാഹരിക്കാനാണ് ആദ്യ ഓട്ടം. നെയ്യാറ്റിന്കര വിഷ്ണുപുരം റോഡിലെ കെട്ടിട നിര്മാണതൊഴിലാളി ശ്രീനിവാസന്-ശുഭാദേവി ദമ്പതികളുടെ മകനായ ഷിനു 10-ാം തരംവരെയാണു പഠിച്ചത്.
കഴിഞ്ഞ ആറു വര്ഷമായി ഷിനു ഓടിക്കൊണ്ടേയിരിക്കുന്നു. കാന്സര് ബാധിച്ച സരയു എന്ന കുട്ടിക്കുവേണ്ടി 2008ല് പാറശ്ശാലയില് നിന്നു കാസര്കോട്് വരെ 700 കിലോമീറ്റര് വിശ്രമമില്ലാതെ ഓടി. അന്നു ലഭിച്ച തുകയില് നിന്ന് 1,40,000 രൂപയാണ് കാന്സര് ബാധിച്ച കുട്ടിയുടെ ചികില്സയ്ക്കു നല്കിയത്. ഇതിനകം നൂറോളം പേര്ക്ക് ഷിനു ഓട്ടത്തിലൂടെ സമാഹരിച്ച ഫണ്ടുകൊണ്ട്് ചികില്സ നടത്തി രോഗം ഭേതമായിട്ടുണ്ട്. എസ്.എസ്. ഷിനുവിനോടൊപ്പമുള്ളവര് ബക്കറ്റ് പിരിവിലൂടെയാണ് ധനസമാഹരണം നടത്തുന്നത്. ഇദ്ദേഹത്തിന്റെ ഓട്ടത്തിന്റെ നല്ല വശങ്ങള് തിരിച്ചറിയുന്ന സുമനസ്സുകള് സഹായവുമായി എല്ലായിടത്തുമുണ്ട്.
ജനുവരി 6ന് കോഴിക്കോട് ഗാന്ധിപാര്ക്കിനു മുന്നില് മാരത്തണ് സമാപിക്കും. അടുത്ത ഫെബ്രുവരി 15ന് മലപ്പുറം ചെമ്മാട് നടക്കുന്ന പൊതുസമ്മേളനത്തില് വച്ച് സമാഹരിച്ച ഫണ്ട് രോഗികള്ക്കു വിതരണം ചെയ്യുമെന്നു ഷിനു പറഞ്ഞു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment