ദേവയാനിക്കെതിരെ കേസ് നല്‍കിയ വീട്ടുവേലക്കാരി മലയാളി

ന്യൂഡല്‍ഹി: അമേരിക്കയിലെ ഇന്ത്യന്‍ നയതന്ത്രജ്ഞ ദേവയാനി ഖൊബ്രഗഡക്കെതിരെ കേസ് നല്‍കിയ വീട്ടുവേലക്കാരി സംഗീത റിച്ചാര്‍ഡ് മലയാളി. അമേരിക്കക്ക് പോകും മുമ്പ് ഡല്‍ഹിയിലെ ഫത്തേപ്പൂര്‍ ബേരിയില്‍ ഭര്‍ത്താവ് ഫിലിപ്പ് റിച്ചാര്‍ഡിനൊപ്പമായിരുന്നു സംഗീത. ഫിലിപ്പ് റിച്ചാര്‍ഡ് മൊസാംബിക്ക് എംബിസിയില്‍ ഡ്രൈവറാണ്‌ .

20 വര്‍ഷം മുമ്പായിരുന്നു മലയാളിയായ സംഗീത റിച്ചാര്‍ഡും ഫിലിപ്പും തമ്മിലുള്ള വിവാഹം. ഫിലിപ്പിന് വരുമാനം കുറവാണെന്ന പരാതി പറഞ്ഞ് സംഗീത വീട് വിട്ടെങ്കിലും വീണ്ടും തിരിച്ചു വന്നു. ഡല്‍ഹിയിലെ ഫത്തേര്‍പ്പൂര്‍ ബേരിയിലാണ് പിന്നീട് ഇവര്‍ താമസിച്ചിരുന്നത്.

വിദേശത്ത് ജോലി ചെയ്യാന്‍ സംഗീത ഏറെ താല്പര്യപ്പെട്ടിരുന്നുവെന്ന് ഫിലിപ്പിന്റെ അമ്മ ആഗ്‌നസ് പറഞ്ഞു. ഒരു ദേശീയ പത്രമാണ് സംഗീത റിച്ചാര്‍ഡിനെക്കുറിച്ചുള്ള വിവരങ്ങള്‍ പുറത്തു വിട്ടത്. രാധ എന്ന ഒരു സുഹൃത്താണ് സംഗീത റിച്ചാര്‍ഡിനെ ദേവയാനി ഖൊബ്രഗഡയ്ക്ക് പരിചയപ്പെടുത്തിയത്. കാനേഡിയന്‍ എംബസിയിലെ ഒരു നയതന്ത്രജ്ഞന്റെ വീട്ടുജോലിക്കാരിയാണ് രാധ. ഖൊബ്രഗഡെ സംഭവം വിവാദമായതിനെത്തുടര്‍ന്ന് രാധ ഫിലിപ്പിനെ ഫോണില്‍ ബന്ധപ്പെടുകയുണ്ടായി. എന്നാല്‍ രാധ അമേരിക്കയില്‍ സുഖമായിരിക്കുന്നുവെന്നും താനും ഉടന്‍ അങ്ങോട്ട് പോകുകയാണെന്നുമായിരുന്നു ഫിലിപ്പിന്റെ മറുപടി.

ആറ് മാസത്തോളം ന്യൂയോര്‍ക്കില്‍ ജോലി ചെയ്ത സംഗീത ഒരു ദിവസം അറിയിപ്പൊന്നും നല്‍കാതെ വീട് വിട്ടുപോയെന്നാണ് ഖൊബ്രഗഡയുടെ ആരോപണം. വിസ മാറ്റി മറ്റ് ജോലികള്‍ക്കായി ശ്രമിച്ച സംഗീത സംഭവത്തിന് ശേഷം ഒളിവിലാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Devayani, Case, Police, America, Malayali