തൊഴുത്തിന് തീ പിടിച്ചതിനെ തുടര്‍ന്നു കറവപ്പശുവിനും കിടാവിനും പൊള്ളലേറ്റു

നീലേശ്വരം: തൊഴുത്തിന് തീ പിടിച്ചതിനെ തുടര്‍ന്നു കറവപ്പശുവിനും കിടാവിനും പൊള്ളലേറ്റു. തൈക്കടപ്പുറം കൊട്രച്ചാല്‍ മുത്തപ്പന്‍ മടപ്പുരയ്ക്കു സമീപത്തെ കെ. ജാനകിയുടെ തൊഴുത്താണ് ശനിയാഴ്ച പുലര്‍ച്ചെ കത്തി നശിച്ചത്.

തൊഴുത്തില്‍ കത്തിച്ചു വച്ചിരുന്ന കൊതുകു തിരിയില്‍ നിന്നോ വൈദ്യുതി ഷോര്‍ട്ട് സര്‍ക്യൂട്ട് മൂലമോ തീ പടര്‍ന്നതാകാമെന്നു കരുതുന്നു. ക്ഷീരകര്‍ഷകയായ ഇവരുടെ ഏക ആശ്രയമായ കറവപ്പശുവിനും കിടാവിനും ഗുരുതരമായി പൊള്ളലേറ്റു. 

നീലേശ്വരം മൃഗാശുപത്രിയിലെ സീനിയര്‍ വെറ്ററിനറി സര്‍ജന്‍ ഡോ.പി. ലക്ഷ്മണന്‍, ലൈവ് സ്റ്റോക് ഇന്‍സ്‌പെക്ടര്‍ അശോകന്‍ ഒഴിഞ്ഞവളപ്പ് എന്നിവര്‍ എത്തി പശുവിനു പ്രഥമ ശുശ്രൂഷ നല്‍കി. 

നീലേശ്വരം നഗരസഭാ അധ്യക്ഷ വി. ഗൗരി, കൗണ്‍സിലര്‍മാരായ വല്‍സലാ തമ്പാന്‍, കെ.വി. ദാമോദരന്‍ എന്നിവര്‍ സ്ഥലത്തെത്തി. ഓടുമേഞ്ഞ തൊഴുത്ത് കത്തി നശിച്ചതില്‍ ഒരു ലക്ഷം രൂപയുടെ നഷ്ടം കണക്കാക്കുന്നതായി വീട്ടുകാര്‍ പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News