സിഐ വിശ്വംഭരന്റെ നേതൃത്വത്തിലുള്ള പോലീസ് സംഘം അന്വേഷണം ഊര്ജിതമാക്കിയതോടെ പ്രതി വിദേശത്തേക്കു കടന്നു. തട്ടിക്കൊണ്ടുപോകാന് ഉപയോഗിച്ച കെഎല് 14 എച്ച് 730 നമ്പര് ഇന്നോവ കാറാണ് അന്വേഷണ സംഘം വ്യാഴാഴ്ച രാവിലെ കസ്റ്റഡിയിലെടുത്തത്.
ചമ്പാട് എടവലത്ത് ഇര്ഷാദിന്റെ ഉടമസ്ഥതയിലുള്ളതാണു കാര്. ഇര്ഷാദില്നിന്നു പ്രതി കാര് വാടകയ്ക്ക് എടുക്കുകയായിരുന്നുവെന്ന് പോലീസ് പറഞ്ഞു. സുഹൃത്തിന്റെ സഹോദരിവഴി പരിചയപ്പെട്ട പെണ്കുട്ടിയെ പ്രതി വിവാഹം കഴിക്കാമെന്നു പറഞ്ഞ് പ്രലോഭിപ്പിക്കുകയും വിവാഹം രജിസ്റ്റര് ചെയ്യാനാണെന്നു പറഞ്ഞ് ഇന്നോവകാറില് നെടുംപൊയില്-വയനാട് റോഡിലെ വനത്തില് കൊണ്ടുപോയി കാറിനുള്ളില്വച്ച് പീഡിപ്പിക്കുകയും ചെയ്തതായി പെണ്കുട്ടി പോലീസില് നല്കിയ മൊഴിയില് പറഞ്ഞു.
കാര് സെന്ട്രല്ലോക്ക് ചെയ്ത ശേഷമായിരുന്നു പീഡനമെന്നും രക്ഷപ്പെടാന് ശ്രമിച്ചപ്പോള് മര്ദിക്കുകയും വായില് തുണി തിരുകികയറ്റുകയും ചെയ്തതായും പീഡനശേഷം തലശേരിയില് കൊണ്ടുവന്നുവിട്ടതായും യുവതിയുടെ മൊഴിയിലുണ്ട്. 376ാം വകുപ്പ് പ്രകാരം ബലാത്സംഗത്തിനാണ് പ്രതിക്കെതിരെ കേസെടുത്തത്. പീഡനത്തിനിരയായ പെണ്കുട്ടിയെ പോലീസ് വൈദ്യപരിശോധനയ്ക്കു വിധേയയാക്കി.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Rape, Police, Case
No comments:
Post a Comment