സീമാസില്‍ ഇന്‍കം ടാക്‌സ് റെയ്ഡില്‍ കണ്ടെത്തിയത് ഞെട്ടിക്കുന്ന വിവരങ്ങള്‍

പെരുമ്പാവൂര്‍: പ്രമുഖ വസ്ത്രവ്യാപാര സ്ഥാപനമായ സീമാസിന്റെ മുഴുവന്‍ ഷോപ്പുകളിലും ഉടമകളുടെ വീടുകളിലും കോര്‍പറേറ്റ് ഓഫീസിലും വ്യാഴാഴ്ച രാവിലെ മുതല്‍ ഇന്‍കം ടാക്‌സ് ഉദ്യോഗസ്ഥര്‍ റെയ്ഡ് നടത്തി. 

പെരുമ്പാവൂരിലെ കോര്‍പറേറ്റ് ഓഫീസിലും ഉടമകളുടെ അഞ്ചു വീടുകളിലും സംസ്ഥാനത്തുടനീളമുളള 17 ഷോപ്പുകളിലുമാണ് ഒരേസമയം നൂറ്റമ്പതോളം വരുന്ന ഉദ്യോഗസ്ഥര്‍ പരിശോധന നടത്തിയത്. 

വന്‍സാമ്പത്തിക വെട്ടിപ്പു കണ്ടെത്തിയതായി പ്രാഥമിക കണക്കെടുപ്പില്‍ വ്യക്തമായതായി അന്വേഷണ ഉദ്യോഗസ്ഥര്‍ പറഞ്ഞു. വ്യാഴാഴ്ച രാവിലെ ആരംഭിച്ച പരിശോധന വൈകിയും തുടരുകയാണ്. പെരുമ്പാവൂര്‍, ആലുവ, കൊടുങ്ങല്ലൂര്‍, അങ്കമാലി, തൃശൂര്‍, തൊടുപുഴ, ആലപ്പുഴ, കൊല്ലം, പാലക്കാട്, കാഞ്ഞിരക്കാട്, മലപ്പുറം തുടങ്ങിയ സ്ഥലങ്ങളിലെ ഷോപ്പുകളിലാണു മിന്നല്‍ പരിശോധന നടത്തിയത്.

ജീവനക്കാരുടെ പേരില്‍ മാത്രം നൂറിലധികം ബാങ്ക് അക്കൗണ്ടുകള്‍ തുടങ്ങി പണം നിക്ഷേപിച്ചത് ഉദ്യോഗസ്ഥര്‍ കണ്ടെത്തിയിട്ടുണ്ട്. ഇക്കാര്യം ബാങ്ക് ഉദ്യോഗസ്ഥരുമായി ഒത്തുനോക്കിയ ശേഷം കൂടുതല്‍ വിവരങ്ങള്‍ വെളിപ്പെടുത്താനാകുമെന്ന് ഉദ്യോഗസ്ഥര്‍ പറഞ്ഞു. കൂടാതെ രേഖകളില്‍ ഇല്ലാതെയും നികുതി വെട്ടിച്ചതുമായ തുണിത്തരങ്ങള്‍ വില്പന നടത്തിപ്പോന്നിരുന്നതായും അന്വേഷണ സംഘത്തിന്റെ ശ്രദ്ധയില്‍പ്പെട്ടിട്ടുണ്ട്. നികുതി വകുപ്പിനു പുറമെയുളള വെട്ടിപ്പുകളെക്കുറിച്ചുളള വിവരങ്ങള്‍ അതാതു വകുപ്പുകളുടെ ശ്രദ്ധയില്‍പ്പെടുത്തുമെന്നും ഉദ്യോഗസ്ഥര്‍ പറഞ്ഞു. വെട്ടിപ്പ് നടത്തിയ ആകെ തുക അടുത്ത ദിവസങ്ങളില്‍ വെളിപ്പെടുത്തുമെന്ന് ഉദ്യോഗസ്ഥര്‍ അറിയിച്ചിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Seema's, Textiles