കമിതാക്കള്‍ വീടിനുള്ളില്‍ തൂങ്ങിമരിച്ച നിലയില്‍

ശാസ്താംകോട്ട: ബന്ധുക്കളായ കമിതാക്കളെ വീടിനുള്ളില്‍ തൂങ്ങിമരിച്ചനിലയില്‍ കണ്ടെത്തി. ശൂരനാട് വടക്ക് പായിക്കുളത്ത് വടക്കതില്‍ വീട്ടില്‍ ദാമോദരന്‍- വസന്ത ദമ്പതികളുടെ മകന്‍ അനൂപ്(23), അനൂപിന്റെ ബന്ധുവും ശാസ്താംകോട്ട ഭരണിക്കാവ് കല്ലുതുണ്ടില്‍ വീട്ടില്‍ സുരേഷിന്റേയും ശൂരനാട് തെക്ക് ഗ്രാമപഞ്ചായത്ത് അംഗംകൂടിയായ ഗീതാകുമാരിയുടേയും മകള്‍ അഞ്ജലി(17)യെയുമാണ് മരിച്ച നിലയില്‍ കണ്ടെത്തിയത്. അഞ്ജലിയുടെ വീട്ടിലെ കിടപ്പുമുറിയല്‍ ഫാനില്‍ തൂങ്ങിമരിച്ചനിലയിലാണ് കാണപ്പെട്ടത്.

തിങ്കളാഴ്ച രാവിലെ 11.30 ഓടെയാണ് സംഭവം. ഇതേക്കുറിച്ച് പോലീസ് പറയുന്നത്: പ്രണയത്തിലായിരുന്ന ഇരുവരും ആറ് മാസംമുമ്പ് വീടുവിട്ട് പോകുകയും വീട്ടുകാര്‍ അനുനയിപ്പിച്ച് കൂട്ടിക്കൊണ്ട് വരികയുമായിരുന്നു. ഇരുവീട്ടുകാരും തമ്മില്‍ സംസാരിച്ച് പെണ്‍കുട്ടി പ്രായപൂര്‍ത്തിയാകുമ്പോള്‍ വിവാഹം നടത്തികൊടുക്കാമെന്ന് സമ്മതിച്ചിരിക്കുന്നതിനിടയിലാണ് തിങ്കളാഴ്ച ഇരുവരും അഞ്ജലിയുടെ വീട്ടുകാര്‍ പുറത്തുപോയസമയം നോക്കി ആത്മഹത്യ ചെയ്തത്. പുന്നമൂട് ആര്‍എച്ച്എസിലെ പ്ലസ് ടു വിദ്യാര്‍ഥിനിയാണ് അഞ്ജലി. അരവിന്ദ് സഹോദരനാണ്. കമ്പ്യൂട്ടര്‍ വിദ്യാഭ്യാസം പൂര്‍ത്തിയാക്കി നില്‍ക്കുകയായിരുന്നു അനൂപ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Love, Suiside