ടി.പി ധീരനായ കമ്യൂണിസ്റ്റ് ധീരനായ നേതാവെന്നു വി.എസ്

തിരുവനന്തപുരം:  കൊല്ലപ്പെട്ട ആര്‍എംപി നേതാവ് ടി.പി.ചന്ദ്രശേഖരനെ പുകഴ്ത്തി പ്രതിപക്ഷ നേതാവ് വി.എസ്.അച്യുതാനന്ദന്‍. ധീരനായ കമ്യൂണിസ്റ്റ് നേതാവായിരുന്നു ടി.പി. വലതുപക്ഷ അവസരവാദത്തിനെതിരെ പോരാടിയ രക്തസാക്ഷിയാണു ടി.പി എന്നു വി.എസ്. പറഞ്ഞു. 

ടി.പി.കേസിലെ പ്രതികളുടെ തീവ്രവാദി ബന്ധമുള്‍പ്പെടെയുള്ള ദേശവിരുദ്ധ ബന്ധങ്ങള്‍ അന്വേഷിക്കണമെന്നും അദ്ദേഹം ആവശ്യപ്പെട്ടു. സ്വര്‍ണക്കടത്തു കേസിലെ പ്രതി ഫയാസ് ടി.പി വധക്കേസ് പ്രതികളെ കാണാന്‍ ജയിലില്‍ എത്തിയത് എന്തിനായിരുന്നു എന്ന് അന്വേഷിക്കണം. ടി.പി ചന്ദ്രശേരനെ കുറിച്ചു മലയാളം സാംസ്കാരിക വേദി തയാറാക്കിയ ഡോക്യുമെന്ററിയിലാണു വിഎസിന്റെ പരാമര്‍ശം.

വി.എസ് മുന്‍പെടുത്ത നിലപാടു തന്നെയാണിതെന്നു ടി.പി.ചന്ദ്രശേഖരന്റെ ഭാര്യ കെ.കെ.രമ പ്രതികരിച്ചു. വിഎസിന്റെ അതേ നിലപാടാണ് ടി.പി.ചന്ദ്രശേഖരന്‍ പിന്തുടര്‍ന്നത്. അതിന്റെ ഭാഗമായാണ് അദ്ദേഹത്തിനു ജീവന്‍ നഷ്ടപ്പെടുന്നതെന്നും രമ പറഞ്ഞു. സിപിഎം നയങ്ങള്‍ക്കെതിരെ ശബ്ദമുയര്‍ത്തുന്ന ഒരു വിഭാഗം രംഗത്തെത്തിയിട്ടുണ്ടെന്നും രമ കൂട്ടിച്ചേര്‍ത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News