ബാന്‍ഡ് മേളത്തില്‍ ഏഴാം തവണയും തോമാപുരം

കുമ്പള: ഒന്നാംദിവസത്തെ സ്റ്റേജിതരവേദികളിലെ നിറപ്പകിട്ടാര്‍ന്ന മത്സരമായിരുന്നു ബാന്‍ഡ്‌മേളം. എന്നാല്‍, ചെലവിന്റെ വലുപ്പമേറിയപ്പോള്‍ ഒരു ടീംമാത്രം മൈതാനത്ത് ശബ്ദം തീര്‍ത്തു. തോമാപുരം സെന്റ് തോമസ് ഹയര്‍ സെക്കന്‍ഡറിസ്‌കൂളാണ് ഹൈസ്‌കൂള്‍, ഹയര്‍ സെക്കന്‍ഡറി വിഭാഗത്തില്‍ ഒന്നാംസ്ഥാനം നേടിയത്. ഏഴാംതവണയാണ് മികവിന്റെ ഒന്നാംസ്ഥാനം ഹൈസ്‌കൂള്‍ക്കാര്‍ നേടുന്നത്. ഹയര്‍ സെക്കന്‍ഡറി വിഭാഗം രണ്ടാംതവണയും.

ചെലവ് താങ്ങാനാകാത്തതും പരിശീലനത്തിന്റെ പ്രശ്‌നങ്ങളും കാരണം ഇത്തവണ മിക്ക ടീമുകളും എത്തിയില്ല. കഴിഞ്ഞതവണ ഹൈസ്‌കൂള്‍ വിഭാഗത്തില്‍ നാലുടീമുകള്‍ മത്സരിച്ചിരുന്നു. ഹയര്‍ സെക്കന്‍ഡറിയില്‍ രണ്ടും. ഉപകരണത്തിന് ഒരുലക്ഷംരൂപയാണ് ഇത്തവണ ചെലവഴിച്ചതെന്ന് തോമാപുരം സ്‌കൂളിലെ അധ്യാപകനും സഹ പരിശീലകനുമായ ടി.എസ്.ജോസ് പറഞ്ഞു.

മൂന്നുവര്‍ഷംമാത്രമാണ് ഉപകരണങ്ങള്‍ ഉപയോഗിക്കാനാകുക. ഇത്തവണ ഹയര്‍ സെക്കന്‍ഡറി സ്‌കൂള്‍ടീമിനുള്ള വേഷത്തിന് ഒന്നരലക്ഷംരൂപയാണ് ചെലവഴിച്ചത്. പരിശീലകന് 40,000 രൂപ വരെ നല്കണം. എങ്കിലും തോമാപുരത്തെ ടീം ക്യാപ്റ്റന്മാരായ ജിബിന്‍ജോസും അബിന്‍ വി.തോമസും വീറുറ്റ പ്രകടനമാണ് ഇത്തവണ കാഴ്ചവെച്ചത്. വടകരയിലെ നവീനാണ് പരിശീലകന്‍.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News