ചെന്നൈ എക്‌സ്പ്രസ്സിനെയും കടത്തിവെട്ടി ; ആമിര്‍ ഖാന്റെ ധൂം3

ആമിര്‍ ഖാന്റെ ധൂം 3 അഞ്ഞൂറ് കോടി ക്ലബ്ബില്‍. ഇതോടെ ആദ്യമായി അഞ്ഞൂറ് കോടി ക്ലബ്ബിലെത്തുന്ന ചിത്രമെന്ന സവിശേഷത ധൂം 3 സ്വന്തമാക്കി. നിര്‍മ്മാതാക്കളായ യാഷ് രാജ് ഫിലിംസ് ആണ് ഇക്കാര്യം അറിയിച്ചിരിക്കുന്നത്. ഷാറൂഖ് ഖാന്റെ ചെന്നൈ എക്‌സ്പ്രസ് ആയിരുന്നു ഇതിനുമുമ്പ് ഏറ്റവും കൂടുതല്‍ ബോക്‌സ് ഓഫീസ് കളക്ഷന്‍ നേടിയ ഇന്ത്യന്‍ ചിത്രം. കഴിഞ്ഞ ഓഗസ്റ്റില്‍ പുറത്തിറങ്ങിയ ചെന്നൈ എക്‌സ്പ്രസ് 420 കോടിയുടെ ആഗോള കളക്ഷന്‍ നേടിയിരുന്നു. 

ചെന്നൈ എക്‌സ്പ്രസിന്റെ വിദേശത്തെ കളക്ഷനായ 119 കോടിയെന്ന റെക്കോര്‍ഡും ധൂം 3 തകര്‍ത്തു. ധൂം 3 യുടെ ഇതുവരെയുള്ള വിദേശ കളക്ഷന്‍ 150 കോടിയാണ്. ആമിര്‍ ഖാന്‍ നായകനിയെത്തുന്ന ധൂം സീരീസിലെ മൂന്നാമത്തെ ചിത്രം ഏറെ നാളത്തെ കാത്തിരിപ്പിന് ശേഷമാണ് റിലീസായത്. വന്‍ കുതിച്ചുചാട്ടമാണ് ചിത്രം ബോക്‌സ് ഓഫീസില്‍ കാഴ്ചവയ്ക്കുന്നത്. കത്രീന കൈഫാണ് ചിത്രത്തില്‍ ആമിറിന്റെ നായിക. ധൂം സീരീസിലെ സ്ഥിരം സാന്നിധ്യമായ അഭിഷേക് ബച്ചനും ഉദയ് ചോപ്രയും ഈ ചിത്രത്തിലുമുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Dhoom 3, Kathreena Kaif, Ameer Khan