ഔവര്‍ കാസറകോട് റീ യൂണിയന്‍ മീറ്റ് അവിസ്മരണീയമായി

ദുബൈ: സഫാ പാര്‍ക്കില്‍ പുതുവര്‍ഷ ദിനത്തില്‍ നടത്തിയ ഓണ്‍ലൈന്‍ കൂട്ടായ്മകളില്‍ വ്യത്യസ്തത പുലര്‍ത്തുന്ന ,ഞാന്‍ കാസറകോടുകാരന്‍ എന്ന് പറയുന്നതില്‍ അഭിമാനം കൊള്ളുന്ന ഔവര്‍ കാസറകോടിന്റെ റീ യൂണിയന്‍ മീറ്റ് തികച്ചും അവിസ്മരണീയമായി. മീറ്റിനെത്തിയ ഏറ്റവും പ്രായം കുറഞ്ഞ കുട്ടി ആയ സാറാ മുനീര്‍ കേക്ക് മുറിച്ച് ഫാമിലി മീറ്റ് ഉദ്ഘാടനം നിര്‍വ്വഹിച്ചു. 

തുടര്‍ന്ന് രസകരമായ കളികളും കാര്യങ്ങളിലൂടെ മഞ്ഞുരുക്കല്‍ നടത്തി. നാടന്‍ കളികള്‍, തമാശ ചോദ്യങ്ങള്‍, ക്വിസ് , കമ്പ വലി, ചര്‍ച്ച, പഞ്ചാത്യെ , നാട്ടു കൂട്ടം, നാടന്‍ ബിസ്യം തുടങ്ങി നിരവധി നിരവധി പരിപാടികളാല്‍ സമൃദ്ധമായിരുന്നു മീറ്റ്. മീറ്റിനെത്തിയ മുഴുവന്‍ കുടുംബങ്ങളെയും എല്ലാ പരിപാടികളിലും ഭാഗമാക്കി എന്നതാണ് ഇതിന്റെ പ്രത്യേകത. കൊച്ചു കുഞ്ഞുങ്ങള്‍ മുതല്‍ പ്രായമായവര്‍ വരെ ഓരോ നിമിഷവും ആസ്വദിക്കുകയായിരുന്നു മീറ്റില്‍, 

മീറ്റില്‍ ചര്‍ച്ചകള്‍ക്ക് നേത്രത്വം നല്‍കിയത് മുനീര്‍ കുംബ്ലെയും, കളികള്‍ കലാപരിപാടികള്‍ എന്നിവയ്ക്ക് നേത്രത്വം നല്‍കിയത് ബഷീര്‍ കാഞ്ഞങ്ങാട് , അന്‍വര്‍ ചിക്‌നി , ജലീല്‍ , വി വി എം പാവൂര്‍, അമീര്‍ കാസിലേന്‍ , ഹാരിസ് കാഞ്ഞങ്ങാട് ,ശബാന, മിസിസ് ശഹബാന്‍ എന്നിവരായിരുന്നു. 

മീറ്റിനെത്തിയ എല്ലാ കുടുംബങ്ങള്‍ക്കും മത്സര വിജയികള്‍ക്കും മുസ്തഫ ഹംസ , ബഷീര്‍ കരുവക്കൊട് , നിര്‍മാസ് , യൂസുഫ് കോരിക്കാര്‍ എന്നിവര്‍ സമ്മാനങ്ങള്‍ വിതരണം നടത്തി. മീറ്റ് സന്ദേശം ശഹബാന്‍ ബിന്‍ അലി മുഹമ്മദും , നന്ദി പ്രകാശനം മുജീബ് കൈന്താറും നിര്‍വ്വഹിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News