ഉദുമയില്‍ മൊബൈല്‍ കട കുത്തിത്തുറന്ന് മോഷണം

ഉദുമ: മൊബൈല്‍ കട കുത്തിത്തുറന്ന് മോഷണം. ഉദുമ ബസ് സ്റ്റാന്റിനു പിറകുവശത്തെ ഇന്ത്യന്‍ മെട്രോ മൊബൈല്‍ കടയിലാണ് മോഷണം നടന്നത്. ചൊവ്വാഴ്ച രാവിലെ കട തുറക്കാനെത്തിയ ജീവനക്കാരന്‍ ഹസൈനാര്‍ കട തുറന്നപ്പോഴാണ് മോഷണം നടന്നത് ശ്രദ്ധയില്‍പ്പെട്ടത്. വില കൂടിയ സാംസംങ്ങ്, നോക്കിയ, ലാവ തുടങ്ങിയ കമ്പനികളുടെ 15 മൊബൈല്‍ ഫോണുകള്‍ മോഷണം പോയിട്ടുണ്ട്.

തിങ്കളാഴ്ച രാത്രി എട്ടുമണിയോടെ കടയടച്ച് പോയതായിരുന്നു. തൊട്ടടുത്ത ഷോപ്പിന്റെ മുകളില്‍ കയറി മൊബൈല്‍ കടയുടെ ഓടിളക്കിയാണ് മോഷ്ടാവ് അകത്ത് കയറിയത്. ഏകദേശം 50,000 രൂപയുടെ നഷ്ടം സംഭവിച്ചതായി പറയുന്നു. ഉദുമ പടിഞ്ഞാറിലെ അബ്ദുല്‍റഹീം, സഹീര്‍ എന്നിവരുടെ ഉടമസ്ഥതയിലുള്ളതയാണ് കട.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Robbery, Udma, Mobile Shop