വാട്‌സ്അപ്പിന് വെല്ലുവിളിയുമായി ടെലഗ്രം

സ്മാര്‍ട്ട് ഫോണും ഇമെയിലും എസ്.എം.എസും അരങ്ങുവാഴുന്ന കാലത്ത് കാലഹരണപ്പെട്ട ടെലഗ്രാം സേവനം അവസാനിപ്പിച്ചിട്ട് ഒരു വര്‍ഷമാകുന്നു. എന്നാല്‍ ടെലഗ്രാമിന്റെ പരിഷ്‌കൃതരൂപം ചരിത്രം സൃഷ്ടിക്കാന്‍ ഒരുങ്ങുകയാണ്. 

നിലവില്‍ ഏറ്റവും ജനപ്രിയ മൊബൈല്‍ മെസഞ്ചറായ വാട്‌സ്അപ്പിന്റെ നിലനില്‍പ്പിനു തന്നെ ഭീഷണി ഉയര്‍ത്തിയാണ് സ്വകാര്യത മുറുകെപിടിക്കുന്ന നവ ടെലഗ്രാമിന്റെ വരവ്. പഴയ ടെലഗ്രാമിന്റെയും പുതിയ ടെലഗ്രാം ആപിന്റെയും ആശയം ഒന്നു തന്നെയാണ്. ഏറ്റവും വേഗത്തിലുള്ള ആശയവിനിമയം. പഴയ ടെലഗ്രാം വിസ്മൃതിയിലേക്ക് മറഞ്ഞപ്പോഴാണ് ടെലഗ്രാം ആപ് എത്തുന്നത്. 

ഓരോ ദിവസവും ലക്ഷങ്ങളാണ് ടെലഗ്രാമില്‍ ആകൃഷ്ടരാവുന്നത്. ആപ്‌സുകളുടെ ലോകത്ത് വിപ്ലവകരമായ കുതിപ്പാണ് ടെലഗ്രാം നടത്തിക്കൊണ്ടിരിക്കുന്നതെന്ന് സ്ഥാപകരില്‍ ഒരാളായ പവല്‍ ഡര്‍വ് പറയുന്നു. ഒരു ദിവസം തന്നെ ഒരു ലക്ഷത്തിലധികം സൈന്‍ അപ്പുകള്‍ നടന്നതായാണ് ഒടുവിലത്തെ വിവരം. ടെലഗ്രാമിനെ ആന്‍ഡ്രോയ്ഡ് അക്കൌണ്ടുകളിലാണ് 80 ശതമാനവും ഡൌണ്‍ലോഡ് നടക്കുന്നത്. സൗദി അറേബ്യ, ഒമാന്‍, ബഹ്‌റൈന്‍, ലബനോന്‍, തുടങ്ങിയ അറബ് രാജ്യങ്ങളും സ്‌പെയിന്‍, റഷ്യ തുടങ്ങിയ യൂറോപ്യന്‍ രാജ്യങ്ങളിലുമാണ് ഇതിനോടകം ടെലഗ്രാം ശക്തമായ സാന്നിധ്യം അറിയിച്ചിരിക്കുന്നത്. വാട്‌സ് അപ്പിനോടു ഏറെ സാദൃശ്യമുള്ള ടെലഗ്രാം ടെക് ലോകത്ത് മറ്റൊരു തരംഗം സൃഷ്ടിക്കുമോയെന്ന് കാത്തിരുന്ന് കാണാം.

ടെലഗ്രാമിന്റെ പ്രത്യേകതകള്‍

സ്വകാര്യ ചാറ്റ്: ചാറ്റ് ചെയ്യുന്ന ചിത്രങ്ങളും വീഡിയോയും അടക്കമുള്ള വിഷയങ്ങള്‍ സെര്‍വറില്‍ സൂക്ഷിക്കപ്പെടുന്നില്ല. നിശ്ചിതസമയത്തിനുള്ളില്‍ ചാറ്റ് ഹിസ്റ്ററി തനിയെ നീക്കംചെയ്യപ്പെടുന്നു. ചാറ്റു ചെയ്യുന്ന വിവരങ്ങള്‍ ആര്‍ക്കും ചോര്‍ത്താന്‍ കഴിയില്ലെന്ന് ചുരുക്കം. (വാട്‌സഅപ്പില്‍ ഡാറ്റകള്‍ സെര്‍വറില്‍ സൂക്ഷിക്കുന്നു.)
നൂറു പേരെ വരെ ഗ്രൂപ്പില്‍ ചേര്‍ക്കാം. (വാട്‌സഅപ്പില്‍ 50 പേരെ മാത്രം)
ആകര്‍ഷകമായ പശ്ചാത്തല ചിത്രങ്ങള്‍.
മറ്റു യൂസര്‍മാര്‍ക്ക് വ്യത്യസ്ത നോട്ടിഫിക്കേഷന്‍ ശബ്ദങ്ങള്‍.
തികച്ചും സൗജന്യവും പരസ്യരഹിതവും (വാട്‌സ്അപ്പ് ഉപയോഗിക്കുന്നതിനു ഒരു നിശ്ചിതകാലയളവിനു ശേഷം പണം നല്‍കേണ്ടിവരുമെന്ന ആശങ്ക നിലനില്‍ക്കുന്നതിനിടെയാണ് ടെലഗ്രാമിന്റെ വരവ്.)
വെബില്‍ സ്വാതന്ത്ര്യം കൊതിക്കുന്നവരെ ആകര്‍ഷിക്കുന്ന ഓപ്പണ്‍ സോഴ്‌സ് ആപ് കൂടിയാണ് ടെലഗ്രാം.
വാട്‌സ്അപ്പിലെ പോലെ ശബ്ദ സന്ദേശങ്ങള്‍ അയക്കാനുള്ള സംവിധാനമില്ല എന്നതാണ് ഒരു ന്യൂനത
സന്ദേശങ്ങള്‍ അയക്കുന്നതിലും സ്വീകരിക്കുന്നതിലും വാട്അപ്പിനോളം വേഗതയില്ല എന്നതും ഒരു പോരായ്മയാണ്.

ടെലഗ്രം ഡൗണ്‍ലോഡ് ചെയ്യാന്‍ ഇവിടെ ക്ലിക്ക് ചെയ്യുക

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News