വടക്കേക്കര മൊയ്തീന്‍കുഞ്ഞിഹാജി നിര്യാതനായി

കാസര്‍കോട്: പൗരപ്രമുഖനും മുസ്‌ലിം ലീഗ് നേതാവുമായ ചെര്‍ക്കളയിലെ സി.എച്ച്. മൊയ്തീന്‍കുഞ്ഞി ഹാജി വടക്കേക്കര (79) നിര്യാതനായി. 

ചെര്‍ക്കളയിലെ പരേതനായ വടക്കേക്കര അബ്ദുല്ലക്കുഞ്ഞി ഹാജിയുടെയും ആയിശാബിയുടെയും മകനാണ്. 

മുസ്‌ലിം ലീഗ് കാസര്‍കോട് നിയോജക മണ്ഡലം വൈസ് പ്രസിഡണ്ട്, ചെങ്കള പഞ്ചായത്ത് പ്രസിഡണ്ട്, ചെങ്കള സര്‍വ്വീസ് കോ-ഓപ്പറേറ്റീവ് ബാങ്ക് വൈസ് പ്രസിഡണ്ട്, ചെര്‍ക്കള ഗവ.ഹയര്‍സെക്കണ്ടറി സ്‌കൂള്‍ പി.ടി.എ. പ്രസിഡണ്ട്, ചെര്‍ക്കള ജുമാമസ്ജിദ് കമ്മിറ്റി ഭാരവാഹി എന്നീ നിലകളില്‍ പ്രവര്‍ത്തിച്ചിരുന്നു.

ഭാര്യ: സാറ. മക്കള്‍: മുഹമ്മദ് കുഞ്ഞി, ബഷീര്‍ (ഇരുവരും പി.ഡബ്ല്യു.ഡി. കോണ്‍ട്രാക്ടര്‍), ഷുക്കൂര്‍ ചെര്‍ക്കള (ക്രിക്കറ്റ് അസോസിയേഷന്‍ കാസര്‍കോട് ജില്ലാ ട്രഷറര്‍), ഫരീദ. മരുമക്കള്‍: അബ്ദുല്‍ ഖാദര്‍ പൂച്ചക്കാട്, സഫരിയ്യ, ഉമൈറ, അഡ്വ. മുംതാസ് ഷുക്കൂര്‍(കാസര്‍കോട് ബ്ലോക്ക് പഞ്ചായത്ത് പ്രസിഡണ്ട്). സഹോദരങ്ങള്‍: മുഹമ്മദ്കുഞ്ഞി, അബ്ദുല്‍ റഹ്മാന്‍, അബൂബക്കര്‍, അഹമ്മദ്, പരേതനായ സുലൈമാന്‍, ഫാത്തിമ, ഖദീജ, നഫീസ.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News