ഉത്തരമലബാറിലെ പ്രസിദ്ധ സംഗീത ട്രൂപ്പായ എസ്.എസ് ഓര്‍ക്കസ്ട്ര പയ്യന്നൂരിനൊപ്പം ചേര്‍ന്നാണ് ചന്ദ്രലേഖ പരിപാടി അവതരിപ്പിക്കുന്നത്. പത്തനംതിട്ട ജില്ലയിലെ വടശേരിക്കര കുമ്പളാം പൊയ്ക സ്വദേശിനിയായ ചന്ദ്രലേഖ വീടിനകത്ത് നിന്നും കുഞ്ഞിനെ ഉറക്കാനായി ആലപിച്ച യുഗ്മഗാനം ഭര്‍ത്താവ് രഘുവിന്റെ ബന്ധുവായ ദര്‍ശന്‍ മൊബൈല്‍ ഫോണില്‍ പകര്‍ത്തി യൂട്യൂബില്‍ പോസ്റ്റ് ചെയ്യുകയായിരുന്നു. യൂട്യൂബില്‍ ഗാനം വൈറലായതോടെ ചന്ദ്രലേഖയെത്തേടി സിനിമ അവസരങ്ങളുമെത്തി.
‘ദ ലവ് സ്‌റ്റൊറി’ എന്ന സിനിമയ്ക്കായി സംഗീത സംവിധായകാന്‍ ഡേവിഡ് ഷോണ്‍ ചിട്ടപ്പെടുത്തിയ ഗാനം ആലപിച്ച് ചന്ദ്രലേഖ സിനിമാ രംഗത്തേക്ക് ചുവട് വെച്ച് തന്റെ ആരാധനാ പാത്രമായ ഗായിക ചിത്രക്കൊപ്പം ‘മൈ നെയിം ഈസ് ജോണ്‍’ എന്ന ചിത്രത്തിലും ചന്ദ്രലേഖ എന്ന വീട്ടമ്മ പാടി. സംഗീത സംവിധായകാന്‍ ജോണ്‍സന്റെ മകള്‍ ഷാന്‍ ജോണ്‍സണ്‍ ചിട്ടപ്പെടുത്തിയ ഗാനം പാടിച്ചതും ചന്ദ്രലേഖയെക്കൊണ്ട് തന്നെ.
ഉത്തര കേരളത്തിലെ ഏറ്റവും വലിയ സംസ്‌കാരികോത്സവമായ തളിപ്പറമ്പ ഫെസ്റ്റില്‍ ഗാനാലാപനത്തിനെത്തുന്ന ചന്ദ്രലേഖയെ കാത്തിരിക്കുന്നത് വന്‍ ആരാധക വൃന്ദമാണ് ഫെബ്രുവരി ഏഴിന് നടി കാവ്യ മാധവനാണ് തളിപ്പറമ്പ ഫെസ്റ്റിന് തിരി കൊളുത്തിയത്. ഫെസ്റ്റ് ഈ മാസം 27 ന് സമാപിക്കും.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Singer, Chandralekha, Thaliparamba.
No comments:
Post a Comment